Qazaqstannyń syrtqy ister mınıstrligi Azattyq radıosynyń tilshilerine akkrıdıtasıa bermeı jatyr deıdi.

Iaǵnı, shetelden qarjylandyrylatyn BAQ Qazaqstanda jumys istemesin degen maqsatta-mys.

Biraq shetelden aqsha alatyn jalǵyz Azattyq emes ekenin nege eskermeıdi degen suraq týyndaıdy. Bizde reseılik Spýtnık sekildi basqa da sheteldik BAQ-tar jumys isteıdi.

Azattyq jýrnalısi Aıan Qalmurattyń sózine kelsek, ol Azattyq tilshilerine «eldiń ulttyq qaýipsizdine qater tóndirdi» degen sebeppen akkrıdıtasıa berilmeı otyrǵanyn aıtady.

– Azattyqtyń qandy qyrǵyn eńbegine kýásizder. Meniń bar arman-maqsatym sóz bostandyǵy joq elde basqa áriptes erikti de eriksiz kórsepteı otyrǵan jaıttardy kórsetý edi. Osy jumysymdy Qazaqstan bıligi «eldiń ulttyq qaýipsizdine qater tóndirý» dep sanap otyrǵan sıaqty. Maǵan syrtqy ister mınıstrligi bıyl akkkredıtasıa bergen joq. men óz elimde zańdy túrde jýrnalıs retinde jumys isteı almaımyn. Jýrnalıs retinde bılik ókilderine, polısıa men sotqa suraq qoıa almaımyn. Men ǵana emes, Azattyqtaǵy 35 áriptesime mınıstrlik akredıtasıa berýden bas tartty.

Akredıtasıa nege bermeı otyr, maqsaty ne deısiz ǵoı... Keshe májilistiń eki depýtaty –  Nıkıta Shatalov pen Anas Baqqojaev usynys aıtty. Olar aıtqan norma boıynsha, budan bylaı Qazaqstan bıligi sheteldik BAQ pen onyń jýrnalıseri «eldiń ulttyq qaýipsizdigine qater tóndirdi» dep tapsa, basylym men ondaǵy jýrnalıserge akredıtasıa bermeı qoıa alady. Artynsha akredıtasıasy joq basylym men onyń tilshilerine jýrnalısik qyzmetpen aınalysýǵa tyıym salady. Men shok bop es jıa alar emespin. Qazirgi bılik Qazaqstandy qandaı elge aınaldyrmaq?, – dedi Aıan Qalmurat.

Al qoǵam belsendisi Muhtar Taıjan táýelsiz jýrnalısıkaǵa tosqaýyl qoıý – sóz erkindigin qurtý deıdi.

– Shyny kerek, Azattyq radıosynyń tilshilerimen kelisetin de, kelispeıtin de jaıymyz bolǵan. Ol zańdy nárse. Biraq sózdiń erkindigi – basty qaǵıda.  Azattyqty jaýyp tastasa – elimizde ashyqtyq álbette azaıady. «Aýrýyn jasyrǵan óledi» dep beker aıtpaǵan qazaq atam. Sol úshin aqparat mınıstrliginen goszakaz almaı jumys isteıtin jýrnalıser kóp bolsa, soǵurlym elimiz myqty bolady. Azattyqtarda zańdy akredıtasıa bolýy tıis, jalpy, táýelsiz jýrnalısıkany qoldaýymyz kerek, – degen pikirin bildirdi.