Sheteldik basylymdar Reseıdiń qazirgi prezıdenti álemdegi eń baı ári yqpaldy adam degendi alǵa tartady.

Al kúni keshe RF Ortalyq saılaý komısıasy jarıalaǵan deklarasıadaǵy málimetter oǵan múldem keraǵar.

Ekeýiniń biriniki ótirik.

Resmı derekti usynaıyq. Ortalyq saılaý komısıasy taratqan qujatqa sáıkes, Reseıdi 23 jyl boıy basqaryp otyrǵan Pýtınniń menshiginde eki páteri men úsh kóligi ǵana bar eken. Atap aıtqanda, oǵan Máskeýde 153,7 sharshy metrdi jáne Sankt-Peterbýrgte 77 sharshy metrdi quraıtyn qos páter men 18 sharshy metr garaj. Odan bólek, úsh kólik: GAZ M21 (1960 jylǵy), Gaz M21 (1965 jylǵy), Nıva (2009 jylǵy) jáne «Skıf» tirkemesi (1987 jylǵy) tıesili.

Sondaı-aq, deklarasıadaǵy málimetterge sáıkes, ol sońǵy 6 jyl ishinde 67,5 mıllıon rúblden astam tabys tapqan. Onda da mundaǵy negizgi tabysy kózi Reseı prezıdenti retinde tapqan jalaqysy dep kórsetiledi. Odan bólek qundy qaǵazdarǵa salǵan aqshadan, múlkin satqannan tapqan tabysy men áskerı adam retindegi zeınetaqysy bar eken.

Resmı qujatta Pýtınniń bankterdegi on shaqty shotynda 54,4 mıllıon rúbl aqshasy bary da naqtylanady. Onyń ústine, ol «Bank Sankt-Peterbýrg» JAQ-tyń 230 aksıasyna da ıe eken.

Bul – RF-nyń qazirgi prezıdentiniń tabysyna qatysty resmı málimet.

Al beıresmı málimetterde Vladımır Pýtın bul qujatta kórsetilgendeı ortańqol adam qataryna jatpaıtyn, kerisinshe, álemdegi eń baı ári yqpaldy tulǵanyń biri retinde tanystyrylady. Ol kem degende 200 mlrd dollar baılyqqa ıe degen sóz de bar.

– deıdi ınvestor Bıll Braýder amerıkalyq CNN telearnasyna bergen suqbatynda.

CNN Braýderdi Reseıge ınvestısıa salǵan shetel ınvestory, burynǵy Pýtınniń jaqtaýshysy dep sanaıdy. Onyń Reseı qor naryǵyndaǵy jaǵdaıdy óz kózimen kórip, tipti, ondaǵy zańsyzdyqtarmen de kúresken brıtandyq ınvestor ekenin de atap kórsetedi.