Seısmıkalyq belsendilik Qytaı men Qyrǵyzstan shekarasynda bolǵan qatty jer silkinisine baılanysty onyń seısmıkalyq tolqyndary jaqyn mańdaǵy elderdiń, sonyń ishinde Qazaqstannyń aýmaǵyna tarady.

Bıylǵy jyldyń 23 qańtary kúni Almaty qalasynda túńgi saǵat 00.09-da 5,2 baldyq jer silkinisi bolǵan edi.

«Ádette, mundaı qarqyndylyqtaǵy jer silkinisterinen keıin kóptegen aftershoktar oryn alady, bul áli de baıqalady. Bul prosestiń qansha ýaqytqa sozylatyny kóptegen faktorlarǵa, sonyń ishinde jer silkinisiniń epıortalyǵy ornalasqan aımaqtyń seısmıkasyna jáne jer jaǵdaıyna baılanysty. Birte-birte seısmıkalyq belsendirý prosesi álsireıdi jáne ol qalypty rejımge oralady», dep habarlaıdy TJM ortalyǵy.

Sondaı-aq TJM Seısmologıalyq baıqaý jáne zertteýler ulttyq ǵylymı ortalyǵy:

«Azamattarǵa sabyr saqtap, dúrbeleńge berilmeýge keńes beremiz. Jer silkinisi kezindegi qaýipsizdik sharalaryn este saqtańyzdar. Eger siz ǵımarattardyń joǵarǵy qabattarynda bolsańyz, onda dúmpý toqtaǵansha turyńyz, aldyńǵy esikti aldyn ala ashyńyz, bólmedegi eń qaýipsiz orynǵa baryp turyńyz: tirek arqalyqtyń astynda, esikter nemese negizgi qabyrǵalardyń buryshtaryna, tirek baǵanasyna jaqyn turmańyz, terezelerden, aýyr zattardan jáne jıhazdan alys turyńyz. Siz ústeldiń astyna tyǵyla alasyz nemese vana bólmesine panalaı alasyz. Jer silkinisi kezinde lıft pen baspaldaqty paıdalanýǵa bolmaıdy. Dúmpý toqtaǵansha kútińiz, sodan keıin ǵana syrtqa shyǵyńyz», — deıdi málimetinde.