QR qarjy mınıstrligi memlekettik kiris komıteti kedendik zańnamalardy buzǵany úshin ustalyp, ýaqytsha saqtaý qoımalaryna ótkizilgen Qyrǵyzstandyq kólikterge qatysty túsinik berdi,-dep habarlaıdy «Qamshy.kz» aqprattyq portaly.

Mınıstrliktiń habarlaýynsha Qyrǵyzstannyń Eýrazıalyq ekonomıkalyq odaq kelisimine qosylýyna baılanysty ol 2014 jylǵy 1 qańtarǵa deıin elimizge jeke qoldaný úshin kirgizilgen kólikter Eýrazıalyq ekonomıkalyq odaq taýary dep tanylyp otyr. Soǵan baılanysty, buryn ustalyp, ýaqytsha saqtaý qoımalaryna jiberilgen kólikterden baqylaý alynyp tastalady.

• QR sot organdarynyń sheshimderin oryndamaý faktileri men prosesýaldy sheshim shyǵarylmaǵan sotqa deıingi tergeý materıaldary bolmaǵan jaǵdaıda ustalǵan kólikterdi ıelerine qaıtarý zańǵa qaıshy kelmeıdi, - delingen mınıstrlik taratqan málimdemede.

Sonymen, 2014 jyldyń qańtaryna deıin Qyrǵyzstannyń elge kirgizilgen kólikterden shekteý alynyp tastalyp otyr. Al, qyrǵyz kólikterin Eýrazıalyq odaqtyń birińǵaı kedendik tarıfi boıynsha, ıaǵnı baj salyǵynsyz elge kirgizý tek 2020 jyldyń 1 qańtarynan bastap múmkin bolmaq.