Qazannyń 14-i men 16-y aralyǵynda İİM «Avtobýs» respýblıkalyq aldyn alý sharasyn ótkizdi, - dep habarlaıdy «Qamshy.kz» portaly.

Úsh kúnge sozylǵan shara barysynda polıseıler avtobýs júrgizýshileri tarapynan jiberilgen 7,6 myń jol erejesin buzý faktisin anyqtaǵan. Taratyp aıtar bolsaq, 18 júrgizýshi kólikti mas kúıinde júrgizse, 123 eńbek jáne demalys rejımin buzý anyqtalǵan. 245 shopyr tizginge tıisti kýáliktersiz otyrsa, 332 júrgizýshide mindetti saqtandyrý polúsi bolmaǵan. 166 kólik zańsyz qaıta jabdyqtalǵan, 145 kólik reıs aldyndaǵy tehnıkalyq tekseristen, 534 avtobýs josparly tehnıkalyq tekseristen ótpegen. Ereje buzýshylyqtardyń 180-i – jolaýshylar tiziminiń bolmaýy, 455-i jyldamdyqty shamadan tys asyrý, 1540-y rólde otyryp telefonmen sóılesý, 22 qarsy baǵytqa shyǵý,  503 qorshaǵan ortany lastaý, 263 jaıaý júrginshilerge jol bermeý, 1131 manevr erejesin buzý, 9 lısenzıalaý normalaryn saqtamaý derekteri boıynsha tirkelgen.

Ústimizdegi jyldyń 9 aıynda Respýblıka joldarynda avtobýs júrgizýshileriniń qatysýymen 455 jol-kólik oqıǵasy tirkelgen. Sonymen qatar, polsıeıler, jyl saıyn avtobýs júrgizýshileriniń kinásinen 600-den asa jol-kólik oqıǵasynyń bolatynyn, sonyń saldarynan osy kúnge deıin 74 adam qaza bolyp, 900-den asa adam jaraqat alǵanyn habarlady.