Qamshy.kz osy sáttegi suraq-jaýaptar legin sol kúıinde usynýdy jón kórip otyr.

- Álıhan Smaıylov nege otstvakaǵa ketti?

Álıhan Smaıylovtyń ózi otstavkaǵa ketkisi keletinin bildirdi. Sodan keıin onyń otstavkasy qabyl alyndy.

- Otstavkasyna qatysty ol kisi ózińizben sóılesip, keńesti me?

...

- Kóp mınıstr óz ornyn saqtap qaldy, Úkimet otstavkasy dep daýyryqtyrýdyń bul arada qandaı mańyzy bar?

Bul saýaldyń maǵan qatysy joq dep oılaımyn. Búgin ózderińiz berilgen baǵany estidińizder. Qaı bir jerdi durys ıgersek, qaı bir jerde shamamyz kelmedi. Onyń ústine ekonomıkany modernızasıalaý, onyń qarqyny boıynsha aldymyzǵa úlken mindetter qoıyldy. Prezıdent osy sebepti jumysymyzǵa jańa serpin berý kerek dep sheshken sekildi.

- Úkimet basyna nege áıel adam kelmeıdi?

Memleket apparat basshylyǵynda áıelderdiń sany az ekeni ras. Bul arada, menińshe, áıel nemese erkek ekeni emes, óziniń kásibı biliktigi mańyzdy bolýy shart dep oılaımyn. Árıne, óndiriste, bútin mınıstrlikti basqaryp otyrǵan táýir qyzdarymyz bar. Eger jaqsy jumys istesek, Memleket basshysy bizge de nazar aýdarady dep oılaımyn.

- Densaýlyq saqtaý mınıstri Ajar Ǵınıat qyzmetinen nege ketti? Bul mindetti áleýmettik medısınalyq saqtandyrý qory (MÁMS) tóńiregindegi daý-damaımen baılanysty ma?

Biz ómir baqı bir qyzmette jumys istemeımiz ǵoı. Osy jaǵynan alǵanda, Ajar Ǵınıat aldyna qoıylǵan mindetterdi shama-sharqynsha atqardy. Endi jańa mindet aıqyndaldy. Jańa mindet – osy júıeniń qarjylyq bóligin aýdarystyryp, jónge keltirý...