Qaraly qaýymǵa belgilengen ýaqyttan erterek kelý suralýda, dep habarlaıdy Qamshy.kz

Alekseı Navalnyıdyń baspasóz hatshysy Kıra Iarmysh jerleý rásimine qatysty aqparat taratty. 

"Alekseımen qoshtasý rásimi 1 naýryz kúni saǵat 14.00-de Marınodaǵy "Meniń qaıǵymdy jeńildet" ataýyndaǵy Qudaı Ana ıkonasy shirkeýinde ótedi. Aldyn ala kelý suralady. Marqum Borısov zıratynda jerlenedi", dep jazdy Iarmysh jelide.

Aıta ketsek,  2024 jyly 16 aqpanda Reseıde 19 jylǵa sottalyp, jazasyn ótep jatqan opozısıalyq saıasatker Alekseı Navalnyıdyń túrmede kóz jumǵany belgili boldy. Nemsovtan keıin Pýtın rejımimen kúresýshi tulǵa Navalnyıdyń qupıa ólimi qoǵamda úlken narazylyq týǵyzdy.

Sol sekildi RF Tergeý komıteti tekserýdiń 14 kúnge uzartylýyna baılanysty marqumnyń denesi berilmeıtinin jetkizgen. 

Osyǵan baılanysty reseılik saıasatkerdiń anasy Lúdmıla Navalnyı vıdeo úndeý jarıalady. Ol óz úndeýinde óziniń tarapyna jasalyp jatqan qoqan-loqy kúnnen kúnge údep bara jatqanyn ári balasynyń denesin bermeı otyrǵan bılik ony qupıa jerlep, qoshtasý rásimin ótkizbeýdi qalaıtynyn aıtty. 

Sondaı-aq Alekseı Navalnyıdyń áıeli Iýlıa kúni keshe el aldyna shyǵyp, kúıeýiniń isin jalǵastyratynyn málimdedi.

Sheteldik BAQ-tar Eýropa Navalnyıdyń kóz jumar aldynda ony basqa bir sottalýshymen aıyrbastaý týraly kelissóz júrgizilgeni týraly da aqparat taratty.