Májiliste az qamtylǵan azamattardyń bereshegin qadaǵalaýdy kúsheıtetin zań jobasy qaralyp jatyr. Olardyń qatarynda ataýly áleýmettik kómek (AÁK) alýshylar da bar. 

    Májilis janyndaǵy qoǵamdyq palatanyń múshesi Marat Shıbutovtyń sózinshe, ár qaryz alýshy orta eseppen 2,15 mıllıon teńge bereshek. Jalpy qaryz búginde 18 trıllıon teńgeni qurap otyr.

    Azamattar nesıe alyp, ony dál ýaqytynda qaıtarýdan bas tartatyn kórinedi. Onyń ústine bankter men mıkroqarjy uıymdary el turǵyndaryn nesıe alýǵa ıtermeleıtini bar. Isker isi áleýmettik jobasynyń jetekshisi Bıbinur Sheralıeva ataýly áleýmettik kómek alatyn adamdardyń kópshiliginde onnan asa mıkrozaımdary baryna alańdaýly. 

    QR Qarjy naryǵyn retteý jáne damytý agenttiginiń  málimetinshe, 69 myń adam ózin bankrot jarıalaýǵa ótinish bergen, alaıda onyń tek 5 myńynyń ótinishi qabyldanǵan.