«Damý» kásipkerlikti damytý qory» AQ Mańǵystaý oblysyndaǵy aımaqtyq fılıaly «Juldyzdarǵa qara» jobasynyń jeńimpazdaryn saltanatty túrde marapattady.
Joba aıasynda múmkindigi shekteýli úsh kásipker ózderiniń bıznes josparlaryn júzege asyrýǵa granttyq kómek utyp aldy. 
– Elimizde «Qus joly» qorynyń «Juldyzdarǵa qara» jobasy Qazkommersbanktiń qoldaýymen 2005 jyldan beri júzege asyp keledi. «Qus joly» men «Damý» qory birlesip, jyl saıynǵy ótkizetin qa-ıyrymdylyq konkýrsynyń birinshi kezeńi búgin qorytyndylanyp otyr. Bul joba belsendi ómirlik pozısıasy bar múmkindikteri shekteýli adamdardy qoldaýǵa baǵyttalǵan. Jobaǵa qatysýshy kásipkerlerge tegin, qaıtarymsyz negizde granttar beriledi. Ótken jyly joba aıasynda 2 kásipkerge kómek kórsetildi. Bıyl Mańǵystaý oblysy boıynsha 5 grant qarastyrylǵan, árbir granttyń quny – 100 myń teńgeden bastap 300 myń teńgege deıin. Sondyqtan da biz bul joly kelip túsken ótinishterdi qarap, jobanyń birinshi kezeńi boıynsha 
3 kásipkerdi úzdik dep tanydyq. Jobanyń ekinshi kezeńine ótinish qabyldaý aǵymdaǵy jyldyń 1 qyrkúıeginen 9 qazanyna deıingi ara¬lyqta júrgiziletin bolady. Jobaǵa múgedektik toby berilgen, jeke kásipkerlikpen aınalysatyn nemese kásibin jańadan bastaǵan eli¬mizdiń kámelettik jasqa tolǵan azamattary qatysa alady, – deıdi «Damý» kásipkerlikti damytý qory Mańǵystaý oblysyndaǵy aımaq¬-tyq fılıalynyń dırektory Berik Nurǵalıev. 
Bıylǵy jyly «Juldyzdarǵa qara» jobasynyń birinshi kezeńine múmkindigi shekteýli 7 kásipker qatysqan. Arnaıy qurylǵan qazylar alqasy olardyń arasynan úsheýin jeńimpaz dep tanyp, grantty tabystady. Olardyń arasynda Qaraqıa aýdanynyń turǵyny, úshinshi toptaǵy múgedek Qonysbaı Tileýov ta bar. Ol búginde aýyl jastaryn qazaqsha kúresten jattyqtyryp, chempıondardy daıyndap júr. Odan bólek 2002 jyly múmkindigi shekteýli jandarǵa arnalǵan «Jiger» klýbyn quryp, taǵdyr tálkegine túsken talaı janǵa qoldaý kórsetýdi qolǵa alǵan. Kásipker bolashaqta múmkindigi shekteýli jandarǵa ar¬nalǵan arnaıy sport mektebin ashyp, kásibin órkendetkisi keledi. Joba aıasynda kásipkerge velotrenajer syıǵa berildi.
– Men múmkindigi shekteýli, alaıda erteńgi kúnge degen senimi mol, jigeri myqty 20 jasty sportqa tárbıelep júrmin. Olardyń arasynda qulaǵy estimeıtin, kóz janarynan aıyrylǵan, aıaǵy, qolynan jara¬qattanǵan jandar bar. Olardyń jetistikterine toqtalar bolsam, ja¬qynda Pavlodarda ótken paraolımpıdalyq oıyndarda júgirýden qaraqıalyq Nurgeldi Aǵıev 3-oryndy ıelenip keldi. Odan bólek 
Dýlat Musabaev, Islam Sandybaev, Saǵyn Býkenovtar stol tenıssi, jeńil atletıkadan ótken jarystarǵa qatysyp, jeńimpaz atanyp júr. Qazirgi tańda múmkindigi shekteýli jandar aýyldaǵy sport mektebiniń janynan berilgen zaldarda jattyǵady. Búgingi joba aıasynda sport zalymyzǵa velotrenajer syıǵa berildi, óte qýanyshtymyz,– deıdi úshinshi toptaǵy múgedek Qonysbaı Tileýov.
1999 jyldan beri tigin tigip, arnaıy tapsyrystar qabyldaýdy qolǵa alǵan Qarlyǵa Qudaıbergenova da joba aıasynda jeńimpaz atanǵanyna dán rıza. Kásipkerdiń tigin sheberhanasyna grant qara¬jaty esebinen overlok mashınasyna tabystaldy. Ekinshi toptaǵy múmkindigi shekteýli kásipker Munaıly aýdany, Basqudyq aýylynda turady. Endigi kezekte kásipker tapsyrystar boıynsha alýan túrli oıý-órnekpen buıymdar tigip, jumysshylarynyń qataryn tolyq¬tyr¬maqshy.
Jobanyń taǵy bir jeńimpazy – Fort-SHevchenko qalasynyń turǵyny, úshinshi toptaǵy múgedek Aıbek Berdiǵulov. Aıbek – grant qarajaty arqyly alynǵan noýtbýk jáne kópfýnksıonaldy prın¬termen halyqqa kompúterlik qyzmet túrlerin usynýdy josparlap otyr. Sonymen qatar qosymsha tabys retinde keńse taýarlaryn satýdy da qolǵa almaqshy. 

Derekkóz: Aıqyn-aqparat