2015 jyly 19 qazanda Pavlodar qalasynda «Aýyl» partıasy Pavlodar oblystyq fılıalynyń esep berý-saılaý konferensıasy ótti. Konferensıaǵa «Aýyl» partıasy oblystyq fılıalynyń barlyq aýdandyq jáne qalalyq fılıaldarynyń ókilderi jıyldy. Pavlodar oblystyq fılıalynyń jańa tóraǵasy bolyp E.N. Baıǵurmanov biraýyzdan saılandy. Konferensıa jumysyna «Aýyl» HDPP tóraǵasy, Qazaqstan Respýblıkasy Senat depýtaty Á.Bektaev qatysty. Á. Bektaev óziniń sózinde «Bizdiń partıanyń negizgi muraty – yntymaqtastyq jáne ádilettilik» — dep atap ótti. «Aýyl partıasy jańashyldyq agrarlyq saıasatty qalaıdy! Bul aýyl sharýashylyǵynda álemdegi ozyq elderdiń tájirıbesin paıdalaný. Aýylda ınvestısıalyq iskerlikti damytý. Aýyl eńbekkerleri men agroónerkásip ókilderine ádiletti salyq júıesi» — dep sózin jalǵastyrdy Á. Bektaev. Osy turǵyda, memleketimizdi jańa formasıaǵa kóterý, qoǵamdyq qatynastardy jetildirý, eń negizgisi, álemdik daǵdarysqa qaramaı, ekonomıkalyq ósimdi, halqymyzdyń áleýetin jaqsartýdy qamtamasyz etý — partıanyń negizgi máselesi. Anyqtama: 2015 jyly 26 tamyzda Astanada Aýyl sosıal-demokratıalyq partıasynyń kezekten tys sezi ótti. Qazir partıa qaıtadan tirkelý prosesin júrgizýde.

«Aýyl» Halyqtyq-demokratıalyq, patrıottyq partıasynyń ortalyq apparaty