Astananyń botanıkalyq baǵynda bala kútetin analar arasynda arbalar sherýi ótti. Qyzyqty is-shara baǵdarlamasynda kásibı nusqaýshylar men analarǵa arnalǵan fıtnes jattyǵýlarymen qosa denege paıdaly bolatyn basqa da jarystar boldy.

"Arbalar sherýi ata-analar arasyndaǵy qarym-qatynasty nyǵaıtyp, jańa tanysýǵa jol ashty. Eki saǵattyq sherý kópshilikti qýantty, al qatysýshylar syılyqtarǵa ıe boldy. Atap aıtqanda, qatysýshylarǵa balalar dúkenine 100 myń teńgege jórgekter, sertıfıkattar tabystaldy", - dedi Astana ákimdiginde.

Uıymdastyrýshylardyń aıtýynsha, Funny sport aıasyndaǵy sherý-bul sporttyq is-shara analardyń dekrettik kúnderine jarqyn túster ákeldi jáne tabıǵatqa shyǵyp, sergektik alýǵa múmkindik berdi. Qatysýshylardyń ózderine arbalar sherýi unady.

"Úıde balamen birge otyrǵan áıelder úshin bul erekshe oqıǵa boldy. Arbada biz balalardy jıi taza aýaǵa shyǵaramyz, biraq bári ózdiginen júredi. Bul sherý osyndaı ata-analardy jınady. Olar ártúrli fızıkalyq jattyǵýlar jasady, syılyqtar aldy. Uıymdastyrýshylarǵa rahmet", - dedi Elordanyń kópbalaly anasy Ásemgúl Jolbasarova.

Alda qala turǵyndaryn qyzyqty is-sharalar kútip tur.