Búgin elordada Konstıtýsıa Kúni qarsańynda "otbasy jáne memleket" taqyrybynda azamattarǵa tegin quqyqtyq keńester ótkizildi, dep habarlaıdy Qamshy.kz aqparattyq agenttgi Astana ákimdiginiń resmı saıtyna silteme jasaı otyryp.

Astanalyqtarǵa Nura aýdany ákimdigi men prokýratýrasynyń, "Quqyq" qoǵamdyq qorynyń, qalalyq advokattar alqasynyń, elordalyq Ádilet departamentiniń jáne basqa da mekemelerdiń mamandary keńes berdi.

"Búgingi is-sharanyń maqsaty-azamattardyń quqyqtyq saýattylyǵyn arttyrý. Qazirgi ýaqytta kóptegen adamdar mamandar keńesiniń aqysyn tóleı almaıdy. Osyǵan baılanysty búgin turǵyndarǵa nekeni buzý, muragerlik, járdemaqy tóleý tártibi jáne t. b. máseleleri boıynsha keńester beriledi.

Kelýshiler mamandarmen birge óz máselelerin talqylap, olardy sheshýdiń joldaryn taba aldy. Sonymen qatar, olar ózderin qyzyqtyratyn suraqtarǵa jaýap aldy.

"Biz osyndaı is-sharalardy tek Astanada ǵana emes, Shymkent, Semeı, Jezqazǵan, Almaty, Qaraǵandy, Atyraý, Aqtóbe, Túrkistan jáne Aqmola oblystarynda da ótkizemiz. Bul is-sharanyń paıdasy kóp. Sebebi azamattar zańgerlik tegin keńes alyp, óz quqyqtary týraly kóbirek bile alady", - dedi "Quqyq"qoǵamdyq qorynyń basshysy. Aıta keteıik, is-sharany "Quqyq" qoǵamdyq qory uıymdastyrǵan bolatyn.