"Halyqaralyq baǵdarlamalar ortalyǵy" Kalıfornıa shtatynda bolyp jatqan orman órtterine baılanysty jaǵdaı muqıat baqylaýda ekenin málimdedi.

"Halyqaralyq baǵdarlamalar ortalyǵy" málimetinshe, qazirgi tańda Kalıfornıa shtatynda 73 stıpendıat bilim alýda, onyń ishinde 56-sy "Bolashaq" baǵdarlamasynyń, al 17-si ǵylymı taǵylymdama baǵdarlamasynyń stıpendıattary. Barlyǵy aman-esen, kýratorlarmen baılanysta. "Stıpendıattar jergilikti bılik organdarynyń usynystaryn oryndap, jaǵdaı týraly bizge jedel túrde habarlap otyrady. Biz ýnıversıtettermen turaqty baılanystamyz jáne kez kelgen ózgeriske jyldam áreket etýge daıynbyz", – dep habarlady "Halyqaralyq baǵdarlamalar ortalyǵy" AQ baspasóz qyzmeti. Ortalyq ókilderi barlyq stıpendıaty qaýipsizdik sharalaryn qatań saqtaýǵa shaqyrdy. Olar tótenshe jaǵdaılarda San-Fransıskodaǵy Qazaqstan Respýblıkasynyń Konsýldyǵyna habarlasýlaryńyzdy surady.