Búgin Sochıde kónkımen júgirýden álem chempıony qazaqstandyq Denıs Kýzın 1000 metrlik qashyqtyqta jarys jolyna shyǵyp, Olımpıada medaline talasyp kóretin bolady, -dep habarlaıdy QazAqparat.
Qazaqstandyqtar oǵan úlken senim artyp otyr. Sebebi 1000 metrlik saıys onyń eń ońtaıly qashyqtyǵy sanalady. 2013 jyly Japonıada ótken Álem chempıonatynda dál osy ádiste ol alǵash ret chempıon atandy. Sonymen qatar Álem Kýboginiń kezeńinde jeńis tuǵyrynan kórindi.
Denıs Kýzın - QR eńbek sińirgen sportshysy. Alty dúrkin Qazaqstan chempıony, Azıa oıyndarynyń jeńimpazy. Onymen birge bul kúni taǵy eki qazaqstandyq - Aleksandr Jıgın men Fedor Mezensev muzǵa shyǵady. Jarys «Adler-Arena» stadıonynda Astana ýaqytymen saǵat 20.00-de bastalady.
