Prezıdenttiń ókimimen Aqordada aýys-túıis boldy. 

Aqordanyń baspasóz qyzmeti taratqan aqparatqa sáıkes, Memleket basshysynyń ókimimen Aıdyn Jeńisuly Qulseıitov Qazaqstan Respýblıkasy Prezıdenti Ákimshiliginiń Áleýmettik-ekonomıkalyq saıasat bóliminiń meńgerýshisi laýazymynan bosatyldy.

Aıdyn Qulseıitov Prezıdent ákimshiliginde 2017 jyldan beri qyzmet etip kelgen. Al buǵan deıin mınıstrlikter men iri kompanıalarda basshylyq qyzmet atqarǵan. Bul qyzmetke deıin Áleýmettik-ekonomıkalyq monıtorıńi bólimin basqarǵan. Áleýmettik-ekonomıkalyq saıasat bóliminiń meńgerýshisi bolyp 2023 jyldyń kúzinde taǵaıyndalǵan.

Qulseıitovtiń burynǵy ornyna Memleket basshysynyń ókimimen Raqymjan Ernazar taǵaıyndaldy.

Memleket basshysynyń ókimimen Raqymjan Serikbaıuly Ernazar Qazaqstan Respýblıkasy Prezıdenti Ákimshiliginiń Áleýmettik-ekonomıkalyq saıasat bóliminiń meńgerýshisi laýazymyna taǵaıyndaldy, - delingen habarlamada.