Úkimet otyrysynda sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev jeke kýálikti aýystyrý sáýir aıynyń sońyna deıin onlaın-formatqa aýystyrylatynyn málimdedi.

Onyń aıtýynsha, mamandar azamattyń fotosýretin sáıkestikke baǵalaıtyn AI modelin sátti synaqtan ótkizdi. Bolashaqta azamattarǵa jeke kýálik alý úshin tek eGove platformasynda sáıkestendirýden ótý, foto men qoltańbany júkteý, onlaın tólem jasaý jáne qujattyń daıyndyǵy týraly SMS kútý qajet bolady.

"2024 jyly HQKO operatorlary 15,2 mln qyzmet kórsetti. Bul rette ótinishterdiń 80%-y on qyzmetke tıesili. Biz memlekettik organdarmen birlesip, bul qyzmetterdi avtomattandyrý jáne balamasyz, tek onlaın formatqa kóshirý boıynsha jol kartasyn ázirledik. Birinshi kezeńde: jeke kýálikti aýystyrý, elektrondy sıfrlyq qoltańba berý, eńbek mıgranttaryna ruqsat berý qyzmetteri. Kelesi kezekte tirkeý qyzmetteri: kólik, jyljymaıtyn múlik, jerge qatysty qujattar kóshiriledi. Maqsatymyz – jyl sońyna deıin halyqqa qyzmet kórsetý ortalyǵynyń júktemesin 50%-ǵa deıin azaıtý", — dedi mınıstr.