Úkimet otyrysynda QazaqGaz basqarma tóraǵasy Sanjar Jarkeshov tek oń nátıjelerdi baıandaǵan soń, Premer-mınıstr Oljas Bektenov odan problemalyq máselelerdi ashyq aıtýyn talap etti.

Úkimet otyrysynda QazaqGaz ulttyq kompanıasynyń basqarma tóraǵasy Sanjar Jarkeshov baıandama jasady. Keıin Úkimet basshysy Oljas Bektenov kompanıa basshysyna eskertý jasady.

Jumystaryńyzda eshqandaı másele joq pa sonda? Tek qana jumystyń oń nátıjelerin kórsettińiz. Problemalyq máselelerdi kóbirek aıtý qajet. Jaryqqa shyǵaryp, talqylaý qajet. Bar ma mundaı másele?, — dep surady Premer-mınıstr.

Jarkeshov Qashaǵan zaýytyndaǵy baıaý jumys týraly aıtty.

Qashaǵandaǵy óńdeý zaýytynyń máseleleri boldy. Onyń qurylys jumystary baıaý júrgen edi. Qazirgi tańda basqa merdiger kelgeli beri qurylys másele sheshilip, 100 paıyz jabdyqtar Qytaıdan keldi. Qurylys ulǵaıtyldy. Qazir belgilengen merzimde qurylysty aıaqtaýdy josparlap otyrmyz, — dedi Sanjar Jarkeshov.