Rım Papasy Lev XIV álem jurtshylyǵyn Taıaý Shyǵystaǵy qaqtyǵysty toqtatýǵa shaqyrdy. Vatıkan taratqan málimdemede Papa soǵystyń, ásirese Taıaý Shyǵystaǵy qantógistiń dereý toqtatylýy kerektigin atap ótken.

«Soǵys – eshqashan turaqty sheshim ákelmeıdi. Ol tek qaıǵy-qasiret týdyryp, tereń jara qaldyrady», – delingen Papanyń úndeýinde.

Katolık shirkeýiniń basshysy Taıaý Shyǵystaǵy jaǵdaıdyń, ásirese Irandaǵy ahýaldyń áli de ýshyǵyp turǵanyna alańdaýshylyq bildirdi.

Atalǵan málimdeme AQSH pen Iran arasyndaǵy shıelenistiń kúsheıýi aıasynda jasalyp otyr. Buǵan deıin AQSH eks-prezıdenti Donald Tramp amerıkalyq áskerıler Irandaǵy ıadrolyq nysandarǵa soqqy jasaǵanyn málimdegen bolatyn. Onyń aıtýynsha, shabýyldan keıin amerıkalyq ushaqtar Iran áýe keńistiginen shyǵyp, keri qaıtqan.

Sonymen qatar Tramp ákimshiligi bul áskerı operasıa týraly Izraıldi aldyn ala qulaǵdar etken. Iran tarapy AQSH-tyń áýe soqqylaryn rastady. Aıta keteıik, buǵan deıin Tramp aldaǵy eki apta ishinde Iranǵa shabýyl jasaý jospary bar ekenin málimdegen edi. Al AQSH vıse-prezıdenti bul soǵysqa eldiń tikeleı aralasýyna qarsy ekenin ashyq aıtqan.