Elimizde ár 100 adamǵa 15 beınebaqylaý kamerasy ornatylmaq

/uploads/thumbnail/20250623115813527_big.webp

Qazaqstanda ornatylǵan beınebaqylaý kameralarynyń kómegimen 5 myń qylmystyq is pen 317 myńnan astam ákimshilik quqyq buzýshylyq anyqtaldy. Bul týraly Premer-mınıstr Oljas Bektenov Senat depýtattarynyń saýalyna bergen jaýabynda málimdedi.

Úkimet basshysynyń aıtýynsha, İshki ister mınıstrligi quqyq buzýshylyqtyń aldyn alý maqsatynda sıfrlyq tehnologıalardy keńinen qoldanyp keledi. Atap aıtqanda, «Jedel basqarý ortalyqtaryna shyǵara otyryp eldi mekenderdi jappaı beınebaqylaý júıelerimen qamtý» jobasy aıasynda 100 turǵynǵa shaqqanda 15 beınekamera ornatý kózdelip otyr. Bul kórsetkish boıynsha elimizde shamamen 3 mıllıon kamera qajet bolady.

Qazirgi tańda qoǵamdyq oryndar men kóshelerde 1,4 mıllıon beınekamera jumys istep tur, onyń ishinde 386 myńy ishki ister organdarynyń jedel basqarý ortalyqtaryna jáne kezekshi bólimderge qosylǵan.

Sonymen qatar, bet-álpetti taný fýnksıasy bar 19 myń kamera synaqtan ótkizilýde. Osy júıeniń kómegimen 569 kúdikti anyqtalyp, ustalǵan. Halyq kóp jınalatyn oryndarda beınekameralarmen qatar, daýys zoraıtqysh, mıkrofon jáne polısıaǵa tikeleı baılanys ornatýǵa arnalǵan «SOS» túımeleri de ornatylýda.

Premer-mınıstrdiń sózinshe, beınebaqylaý ınfraqurylymyn damytý jáne kamera sanyn arttyrý jumystary turaqty baqylaýda.

Aıta keteıik, buǵan deıin Senator Gennadıı Shıpovskıh eldegi buzaqylyq faktileriniń, ásirese mektepter men kóshelerde, kóbeıip bara jatqanyna alańdaýshylyq bildirip, Úkimetke depýtattyq saýal joldaǵan edi. Osyǵan baılanysty, Úkimet basshysy 2025 jyldyń 1 qyrkúıeginen bastap usaq buzaqylyq úshin jaza kúsheıtiletinin habarlady.

Qatysty tegter :

Qatysty Maqalalar