Almatyda 83 jastaǵy qoǵam qaıratkeri Amantaı qajy áıeldi baspaldaqtan ıterip jibergen oqıǵadan keıin qylmystyq is qozǵaldy. Aqsaqal eki jylǵa deıin bas bostandyǵynan aıyrylýy múmkin,, - dep habarlaıdy Tengrinews.kz.
Shildede áleýmettik jelilerde 83 jastaǵy Amantaı qajy áıeldi baspaldaqtan ıterip jibergeni týraly vıdeo tarady. Almaty Polısıa departamenti osy oqıǵaǵa qatysty QK-niń 107-baby "Densaýlyqqa qasaqana aýyrlyǵy ortasha zıan keltirý" boıynsha tergeý júrgizilip jatqanyn habarlady.
Bul bap boıynsha myń AEK-ke deıin (2025 jyly 3 932 teńge - 3 932 000 teńge) aıyppul ne túzeý jumystary, ne qoǵamdyq jumystarǵa 600 saǵatqa deıin tartý ne eki jylǵa deıin bas bostandyǵynan aıyrý jazasy kózdeledi.
"Jaraqattyń aýyrlyq dárejesin anyqtaý maqsatynda sot-medısınalyq saraptama taǵaıyndaldy. Qylmystyq is boıynsha tergeý nátıjesinde sheshim qabyldanady", - dep jazylǵan habarlamada.
