Eńbek jáne halyqty áleýmettik qorǵaý mınıstri Svetlana Jaqypova eń tómengi jalaqydan tómen aılyq alatyndardyń sanyn jarıalady.
Mınıstrdiń málimetine sáıkes, qazirgi kezde respýblıka boıynsha 329 azamat 80 myń teńgeden tómen jalaqy alyp júr.
“Taldaý bir nárseni kórsetti. Jumys berýshiler olardy tek kelisimshartpen birneshe saǵatqa ǵana jumysqa tartqan”, - dedi Jaqypova májilistiń búgingi otyrysynda.
Al 780 myń adam 85 myń teńge kóleminde jalaqy alyp júr.
“Olardyń ishinde birneshe sanat bar. Máselen, iri kásiporyndar salyq pen áleýmettik qorlarǵa aýdarylatyn qarjyny azaıtý úshin 85 myń teńgeni tólep, qalǵanyn konvertpen beredi”, - dep atap kórsetti Jaqypova.
