Túrkistan oblysynyń Shardara aýdanyndaǵy Qosseıit aýylynda óz balasy uryp-soqqan aqsaqaldyń denesi qara jer qoınynan qaıta qazylyp alyndy, dep habarlaıdy KTK arnasy. 

Máıitke sot-medısınalyq saraptama jasalyp, qarıanyń naqty neden kóz jumǵany anyqtalmaq. Qazirgi ýaqytta sot-medısınalyq saraptama jasalyp, nátıjesi aldaǵy ýaqytta shyqpaq Eger qarıanyń ólimi uly men kelininiń áreketinen bolǵany dáleldense, kúdiktilerdiń jaýapkershiligi aýyrlaı túspek.

– Týystary der kezinde habarlamaǵandyqtan, medısınalyq qyzmetkerler tarapynan qaıtys bolý týraly anyqtama berilmegen. Qazir máıitke eksgýmasıa jasalyp, saraptama júrgizilip jatyr. Qorytyndysy shyqqan soń qosymsha málimet usynylady, - delingen Densaýlyq saqtaý basqarmasy usynǵan aqparatta.

Eske salsaq, Shardara aýdanynda 40 jastan asqan asaba azamat týǵan ákesine kún kórsetpeı, soqqynyń astyna alyp kelgeni belgili boldy. Jábir kórgen qarıa keıin kóz jumdy.

Kúdikti uly ustalyp, ýaqytsha ustaý ızolátoryna qamaýǵa alyndy. Qazirgi ýaqytta ol sot sanksıasymen qamaýda otyr.