Búgin Astanada Digital Bridge 2025 Halyqaralyq tehnologıalyq forýmy bastaldy. Forýmda Memleket basshysy Qasym-Jomart Toqaev sóz sóıledi. Sondaı-aq, is-sharaǵa Majarstan Prezıdenti Tamash Shýıok ta qatysyp otyr.
Memleket basshysy jasandy ıntellekt máselesine bas nazar aýdaryp otyrǵanyn, bıylǵy Qazaqstan halqyna Joldaýyn osy taqyrypqa arnaǵanyn jáne halyqaralyq yntymaqtastyqty retteıtin BUU janyndaǵy uıym qurý týraly pikirlerin aıtty.
«Otyz jyldan astam ýaqyt buryn Qazaqstan beıbitshilik pen qaýipsizdik jolyn tańdap, ıadrolyq qarýdan óz erkimen bas tartty. Búginde elimiz jasandy ıntellekt beıbit maqsatta ǵana qoldanylýǵa tıis dep batyl túrde málimdeıdi. Onyń áskerı salada, kıbershabýyldarǵa jáne halyqaralyq turaqtylyqqa qater tóndiretin jobalarda paıdalanylýyna jol berýge bolmaıdy.
BUU Bas Assambleıasynyń taıaýda ótken sesıasynda men Qazaqstannyń Uıym aıasynda Jasandy ıntellektini basqarý jónindegi jahandyq dıalog jumysyna atsalysýǵa daıyn ekenin rastadym. Biz seriktesterimizdiń bastamalaryn, sonyń ishinde Qytaıdyń JI salasyndaǵy jahandyq yntymaqtastyq uıymyn qurý týraly usynysyn qoldaımyz», - dedi Prezıdent.
