Buǵan deıin birqatar memlekettik organdarǵa joldanǵan oıyn bıznesine qatysty meniń depýtattyq saýalymdy biraz BAQ pen ınternet resýrstar kóshirip jarıalaýda. Álbette, ortaq eldik múddege sáıkes yqylas bildirgen mass-medıa ókilderine raqmet aıtamyn.

Biraq meniń qazaq tilinde joldanǵan depýtattyq saýalymdy orys tiline aýdarǵan jarıalanymdarda birer jańsaqtyqqa jol berilgen. Osyǵan oraı Parlament qabyldap, Respýblıka Prezıdenti qol qoıǵan «Oıyn bıznesi týraly» QR zańy boıynsha qurylǵan Biryńǵaı Esep Júıesiniń (BEJ – ESÝ) qoldanylý barysyna sáıkes birqatar túsinikteme berý qajet bolyp tur. Meniń pikirimdi erkin paıdalanǵan ınternet resýrstardyń deni orys tildi bolǵandyqtan, men de óz túsiniktememdi oryssha aýdarma nusqasynda usynýdy jón kórdim. (Otdelnoe spasıbo perevodchıkam Majılısa Parlamenta RK!).

Sonymen birge, kásibı áriptesterime resmı qujat úlgisindegi depýtattyq saýaldy baspasózde mazmundaý kezinde uqypty bolýdy eskertkim keledi! Derekter men argýmentter burmalanǵan jarıalanym qoǵamda ekiudaı pikir týdyryp, qalyptasqan saıası-ekonomıkalyq qatynastardy jańsaq túsinýge áser etýi ábden múmkin!