Iranda ekonomıkalyq jaǵdaıǵa qarsy jappaı narazylyqtar kúsheıip, bılik el boıynsha ınternetti tolyqtaı óshirdi. Halyqaralyq baqylaýshylardyń málimetinshe, sońǵy 12 kúnde qaýipsizdik kúshteri keminde 45 narazylyq bildirýshini óltirgen, olardyń arasynda balalar da bar.

Narazylyqtar Irannyń barlyq 31 provınsıasyn qamtydy. Kúrd aımaqtarynda dúkender jappaı jabylyp, jalpy ereýil ótti. Keı óńirlerde demonstranttarǵa oq atylǵany habarlandy. Ońtústiktegi Fars provınsıasynda narazylar burynǵy Quds kúshteri qolbasshysy Qasym Súleımanıdiń eskertkishin qulatty.

Bılik áreketterin quqyq qorǵaý uıymdary «shekten tys kúsh qoldaný» dep baǵalady. Amnesty International qaýipsizdik kúshteri beıbit turǵyndar men kezdeısoq adamdarǵa da oq atqanyn málimdedi. Myńdaǵan adam qamaýǵa alynǵan.

Iran prezıdenti Masýd Pezeshkıan kúsh qoldanbaýǵa jáne halyqpen dıalog júrgizýge shaqyrdy. Alaıda eldegi ekonomıkalyq daǵdarys tereńdep barady: azyq-túlik baǵasy bir jylda 70%-dan astamǵa, dári-dármek baǵasy shamamen 50%-ǵa qymbattaǵan.

AQSH prezıdenti Donald Tramp Iran bıligi narazylardy óltirýdi jalǵastyrsa, Vashıngton qatań shara qoldanatynyn eskertti. Al Germanıa Iran bıliginiń áreketin aıyptady.

Sarapshylar bul tolqýlardy Irandaǵy sońǵy úsh jyldaǵy eń aýqymdy narazylyqtar dep baǵalap otyr.