AQSH prezıdenti Donald Tramp "Qytaı meniń prezıdenttigim kezinde Taıvanǵa áskerı shabýyl jasamaıdy" dep málimdedi. Bul pikirin ol Venesýelada júrgizilgen AQSH operasıasynan keıin Qytaıǵa «qaýipti presedent» qalyptasty ma degen suraqqa jaýap bere otyryp aıtty.

Tramptyń sózinshe, Venesýeladaǵy áreket «naqty qaýipke» baılanysty jasalǵan jáne Taıvan jaǵdaıymen salystyrýǵa kelmeıdi. Ol Taıvanǵa shabýyl jasalsa, Qytaı tóraǵasy Sı Szınpınnen «kóńili qalatynyn (very unhappy)»  ashyq jetkizgenin aıtty.

«Sı Taıvandy Qytaıdyń bir bóligi dep esepteıdi. Bul — onyń kózqarasy. Biraq men oǵan mundaı qadamǵa barsa, odan kóńilim qalyp, óte narazy bolatynymdy aıttym. Meniń prezıdenttigim kezinde ol mundaıǵa barmaıdy dep oılaımyn», — dedi Tramp. ( Aǵyl: Xi considers it to be a part of China, and that’s up to him what he’s going to be doing. But I’ve expressed to him that I would be very unhappy if he did that, and I don’t think he’ll do that. I hope he doesn’t do that).

Alaıda Tramp Qytaı basshysy bul áreketti AQSH-ta basqa prezıdent kelgennen keıin jasaýy múmkin ekenin de joqqa shyǵarmady.

Osy málimdemege jaýap retinde Qytaı Syrtqy ister mınıstrligi Taıvan máselesi Qytaıdyń ishki isi ekenin jáne syrtqy kúshterdiń aralasýyna jol berilmeıtinin málimdedi.

Sarapshylar Taıvan tóńiregindegi jaǵdaı AQSH–Qytaı qatynastaryndaǵy eń qaýipti geosaıası túıinderdiń biri bolyp qala beretinin aıtady.