Donald Tramp taǵy da tańǵaldyrdy.
Ol Truth Social áleýmettik jelisindegi paraqshasynda «Vıkıpedıadaǵy» ómirbaıanǵa uqsas etip jasalǵan skrınshot jarıalap, onda 2026 jyldyń qańtarynan bastap ózin Venesýelanyń ýaqytsha prezıdenti retinde kórsetken. Sonymen qatar «ómirbaıanynda» AQSH prezıdenti mártebesin de saqtap qalǵan.

Bul jazba AQSH-tyń Karakasta arnaıy operasıa júrgizip, Venesýela prezıdenti Nıkolas Madýro men onyń jubaıyn ustaǵany týraly rezonansty jańalyqtar aıasynda paıda boldy. Málimetke sáıkes, Madýro Nú-Iorkke jetkizilip, Brýklındegi tergeý ızolátoryna qamalǵan.

Oqıǵaǵa pikir bildirgen Tramp Monro doktrınasyna silteme jasap, AQSH-tyń qatań áreketterge barýǵa daıyn ekenin málimdedi. Onyń aıtýynsha, AQSH tek Venesýelada ǵana emes, «Amerıkanyń kez kelgen jaýyna» qarsy shara qoldanýy múmkin.