Ońtústik Koreıanyń arnaıy prokýrory burynǵy prezıdent Iýn Sok Ólge 2024 jyly áskerı jaǵdaı engizý áreketine baılanysty ólim jazasyn taǵaıyndaýdy surady. Prokýratýra ony búlik uıymdastyryp, bılikti kúshpen saqtap qalýǵa tyrysty dep aıyptap otyr. Bul qylmys prezıdenttik ımýnıtetpen qorǵalmaıdy jáne eń aýyr jaza qarastyrylǵan.
Tergeý málimetinshe, Iýn Sok Ól áskerı jaǵdaıdy jarıalaý arqyly sot júıesi men parlamentti baqylaýǵa alýdy kózdegen. Alaıda birneshe saǵattyń ishinde Ulttyq assambleıa depýtattary jınalyp, áskerı jaǵdaıdy joıý týraly biraýyzdan sheshim qabyldaǵan. Iýn óz kinásin moıyndamaı, áreketin Konstıtýsıa aıasyndaǵy zańdy sheshim dep túsindirdi.
Eger sot ólim jazasyn bekitse, bul Ońtústik Koreıadaǵy sońǵy 30 jyldaǵy alǵashqy ólim jazasy bolmaq. Elde ólim jazasy zań júzinde saqtalǵanymen, 1997 jyldan beri eshbir úkim oryndalmaǵan. Halyqaralyq quqyq qorǵaý uıymdary Koreıany «is júzinde ólim jazasyn qoldanbaıtyn el» dep sanaıdy.
