Qytaıdyń jyldyq saýda profısıti rekordtyq 1,2 trln dollarǵa jetti. Jeltoqsan aıynda eksport 6,6%-ǵa, ımport 5,7%-ǵa ósti. Degenmen, Tramp ákimshiligi kezinde eń negizgi eksport baǵyttarynyń biri AQSH-pen saýdasy aıtarlyqtaı tómendep, Qytaıdyń AQSH-qa eksporty bir jylda 20%-ǵa qysqardy. Bul jaǵdaı tarıftik shekteýler men saýda baǵyttarynyń ózgerýimen túsindirilýde.

Qytaı bıligi AQSH-pen saýda qarym-qatynasy ózara tıimdi bolýy tıis ekenin aıtyp, dıalog pen kelissózderge shaqyrdy. Sonymen qatar, Eýropalyq odaq pen Azıa elderine eksport kóleminiń artýy Beıjińniń AQSH naryǵynan táýeldilikti azaıtyp jatqanyn kórsetedi.

Japonıada aksıa naryǵy jańa tarıhı deńgeıge jetti. Nikkei 225 ındeksi 54 myńnan asyp, rekord ornatty. Investorlar "premer-mınıstr Sanae Takaıchıdiń kezekten tys saılaý jarıalaýy múmkin" dep japon aksıalaryna belsendi qarjy quıýda. Álsiregen ıena japon eksporttaýshylaryna qosymsha qoldaý berip otyr.

Al AQSH-ta qor naryǵynda saqtyq kóńil-kúı basym. Investorlar Donald Tramp ákimshiliginiń sońǵy ekonomıkalyq bastamalary men saıası málimdemelerine baılanysty qubylmalylyqty baǵalap jatyr. Osyǵan baılanysty negizgi amerıkalyq ındekster sońǵy sesıalarda azdap tómendedi.