Iranda jappaı úkimetke qarsy narazylyqtar kezinde ınternettiń keń kólemde óshirilýine baılanysty Ilon Masktyń Starlink spýtnıktik baılanys júıesi el turǵyndaryna syrtqy álemmen baılanys ornatýǵa kómektesip jatyr. Sarapshylardyń aıtýynsha, narazylyqtar men kúshtik qurylymdardyń áreketteri týraly foto-vıdeo materıaldardyń syrtqa shyǵýyna Starlink mańyzdy ról atqarǵan.

Resmı lısenzıasyz jumys istese de, Starlink termınaldary Iranǵa jasyryn túrde jetkizilip, 2022 jyldan beri qoldanylyp keledi. AQSH bıligi buǵan deıin sanksıalardy aınalyp ótip, ırandyqtarǵa baılanys quraldaryn paıdalanýǵa ruqsat bergen. Jaqynda AQSH prezıdenti Donald Tramp Starlink arqyly Iranda ınternetti qalpyna keltirý múmkindigin qoldaıtynyn bildirdi.

Iran bıligi Starlink sıgnaldaryn buǵattaýǵa jáne qurylǵylardy tárkileýge tyrysyp jatyr. Bul jaǵdaı halyqaralyq deńgeıde pikirtalas týǵyzyp, jeke kompanıalardyń memleket egemendigine aralasýy jóninde quqyqtyq suraqtar kóterildi. Buǵan deıin BUU-nyń Halyqaralyq baılanys odaǵy Starlink-tiń Irandaǵy qyzmetin zańsyz dep tanyǵan.