Esterińizde bolar, budan bir aı shamasy buryn, bizdiń parlament kóp qatyn alýdy zańdastyrý týraly sóz qozǵaǵan. Olar jyl saıyn osy áńgimeni bir qozǵap qoıady.  Belgili depýtattardyń biri olardy qoldap: «Meniń úsh áıelim bar, úsheýi de bir-birin biledi. Men  qazaqty kóbeıtýge at salysyp júrmin» dep maqtandy.

Al, endi osy "toqalsyrap" júrgen parlamenttegiler men Eýrazıalyq Odaqtyń alǵashqy sharalaryn áıelderdiń yshqyryn satýdy tıýdan bastalypty. «...Sapany syltaýratqan Reseı sórelerinde turǵan ózge elderde óndirilgen arzan taýarlardy tyqsyrýǵa kóshti. Bul joly kezek áıelderdiń ishkıimine kelipti…«Kedendik odaqqa», alda qurylatyn «Eýrazıalyq odaqqa»  múshe elder sheńberinde áıelderdiń jıegi kestelengen shilterli ishkıimderdi óndirýge, ákelýge jáne satýǵa tyıym salynbaq...» (www.saigez.kz).

Jýan judyryq Máskeý aıtsa, «lápbaı, taqsyr!» dep bas shulǵýǵa daıyn turatyn "bizdiń jaq" áıelderimizdi ishkıimsiz qaldyrmaq.

Keshegi  ótken  narazylyq  sharasynyń da  basty  nysany - osy  shilteri  ish kıimder boldy. Jýrnalıs Valerıa Ibraeva, Janna Baıtelova, Evgenıa Plahına syndy  kelinshekter "devalvasıanyń kesirinen edi  lypasyz  qalatyn  boldyq"  dep  dabyl qaqty. Narazylyq sońynda  úsheýine de «usaq buzaqylyq» jasaǵany úshin 10 aılyq eseptik kórsetkish (18520 teńge, nemese shamamene 100 AQSH dollary) kóleminde aıyppul salý týraly sheshim shyǵardy.

Ulttyq teńge qoldan qunsyzdanyp, halyqtyń teń jarymynan astamy kedeıshilik qamytyn kıgeni azdaı, endi úlken-kishi, erkek-áıel jalańbut qalyp, abyroılaryn qoldarymen jaýyp júretin bolady.

Esiń jı, Qazaq!

Jumash KÓKBÓRİ,