Ekonomıkalyq qylmysqa jáne sybaılas jemqoryqqa qarsy kúres agenttigi (qarjy polısıasy) bilim jáne ǵylym mınıstrliginde jańa urlaý faktilerin anyqtady, dep habarlaıdy Tengrinews.kz tilshisi. Ótken jyly Shyǵys-Qazaqstan, Almaty oblystary men jáne Almaty qalasynda balalar-jastar qozǵalysyn damytýǵa bólingen 33 mln. teńgeni urlaý faktisi boıynsha bilim jáne ǵylym mınıstrliginiń laýazymdy tulǵalaryna qatysty qylmystyq is qozǵalǵan bolatyn. Endi, dál osy ispetti qylmystar basqa aımaqtarda da anyqtalyp otyr. "2014 jyly qańtardyń 23-27-si kúnderi bilim jáne ǵylym mınıstrliginiń laýazymdy tulǵalaryna qatysty taǵy úsh qylmystyq is qozǵaldy. 2012 jyly Aqtóbe, Atyraý, Taldyqorǵan jáne Shymkent qalalarynda balalar-jastar qozǵalysyn damytýǵa bólingen 26 mln.teńgege jýyq búdjet qarajaty qoldy bolǵan. Osylaısha, atalǵan qylmystardyń saldarynan bilim jáne ǵylym mınıstrligine 59 mln. teńge kóleminde zalal keldi", - delingen qarjy polısıasynyń resmı málimdemesinde. Tengrinews.kz