Prezıdent jarlyǵy boıynsha 2011 jyldyń qyrkúıeginen bastap, «Qazaqstan» Ulttyq telearnasy taza qazaq tilinde habar taratatyn bolyp bekitilgen edi. Alaıda, arada bir jyl ótpeı jatyp, 100 paıyz qazaqsha saıraýy tıis ulttyq arnada fýtboldan Eýropa chempıonaty eki tilde kórsetilip, qoǵam narazylyǵyn týdyrǵan bolatyn.

Sol tusta telearna basshylyǵy  «Kórsetilim ÝEFA-men jasasqan kelisim-sharttyń negizinde eki tilde júrgizilip jatyr» dep aqtalǵan edi. Eýropa chempıonaty aıaqtalǵannan keıin, olqylyqtyń orny tolyp, sporttyq translásıalar taza qazaq tilinde taratyla bastaǵanda, qazaq jankúıerleri bir qýanyp qalǵan.

Sporttyń tili qazaqshalanyp, súıikti komentatorlarymyz paıda bolǵan kezde sol bir shaq. Eseı Jeńisuly men Ermuhamed Máýlenniń juptasýy,  Raýan Oqas pen Shalqar Estenniń dýeti qandaı keremet edi? Burynyraq  komentatorlar eki tilde júrgizgenkezde, bir-biriniń sózin aýdaryp, qaıtalap otyrýshy edi. Al bir tilde júrgizilgen kezde komentator arasynda erekshe úılesim paıda boldy. Tyńdap otyryp, súısinýshi edik. Biraq qýanyshymyz kópke sozylmapty.  Taza qazaq tilinde habar taratýy tıis Qazaqstan ulttyq arnasy qaıta eki tilde saıraı bastady. Muny óz basym, kórermen retinde túsine almadym. Sonda ulttyq arna basshylyǵy Elbasymyzdyń sheshimin pysqyrmaǵany ma? Álde, taǵy, «APL-men jasasqan kelisim-sharttyń negizinde dep aqtala ma eken»? Nege bacqa-basqa emes, Ulttyq arna mundaıǵa jol beredi? Qazaq komentatorlary jetkiliksiz emes sirá. Men tyńdap, tanyp qalǵan qazaq komentatorlaryn aıtatyn bolsam, bir shoǵyr. Eseı Jeńisuly, Ermuhamed Máýlen, Ermek Tórenıazov, Asqat Saǵynaev, Raýan Oqas, Ýalıhan Qosanbaı, Erjan Kóshkinbaev, Erkin Nurjanuly, Jandos Smaıyl, Ǵalym Súleımen, Shalqar Esten. Osy kisiler nege birigip júrgizbeıdi? Reıtıń deısiz be? 30 paıyz oryssha sóılegennen reıtıń ósip ketpes. Ulttyq arna 100 paıyz qazaqsha bolyp bekitildi me, taza qazaq tilinde habar taratsyn, biz sekildi kózi qaraqty kórermendi aldamasyn!

Jaqsylyq Dáýkebaı

Saıt oqyrmany,

OQO, Arys qalasy