Qazaqstannyń Premer-mınıstri Kárim Másimov Qytaı halyq respýblıkasyna sapary barysynda İİ Dúnıejúzilik ınternet-konferensıaǵa qatysyp, qytaı tilinde baıandama jasady, - dep habarlaıdy «Qamshy» portaly. Qazaqstandyq premerdiń qytaı tilindegi baıandamasyn SSTV arnasy kórsetti.
Qytaıdyń Ýchjen qalasynda ótken jıynda Kárim Másimov ınternettiń adamzat ómirin ózgertip otyrǵanyn, Qazaqstannyń ınternet-tehnologıalar óndirisine belsendi aralasyp kele jatqanyn aıtty. Qytaı tilinde baıandama jasaǵan qazaqstandyq premerdiń sózine tyńdaýshylar birneshe márte qol shapalaqtaǵan.
Sondaı-aq, bul konferensıaǵa Reseı, Tájikstan, Ózbekstan, Qyrǵyzstan premer-mınıstrleri de qatysty. Tek olar baıandamalaryn orys tilinde jasaǵan.
Qazaqstan permer-mınıstri Kárim Másimov Pekın tilder ınstıtýtynyń, Ýhan zań ınstıtýtynyń túlegi ekenin, qytaı tilinen basqa orys, aǵylshyn, arab tilderinde erkin sóıleıtinin esterińizge salamyz.
