...suhbat boldy. Ústeldi qorshaǵan úsh qazaq...
Ádettegideı áýelegen án de, órshigen óleń de joq. Qylmyńdaǵan qyzdan da, jylmyńdaǵan ázil-ospaqtan da ada ózegi ózdiginen qazaq tilinde órilgen, ulttyń álsiz, eldiń nársiz nárseleri aıtylǵan ana tilimizdegi áńgime-dúken...
...Tek, táýelsizdigimizdiń shynaı batyrlaryna - Jeltoqsan oqıǵasyna qatysýshylarǵa 30 jyl tolatyn torqaly datada qandaı qamqorlyq pen qurmet kórsetiletini túsiniksiz qaldy...
...Qazaqtyń shyn tarıhyn jazýdyń qajettigin Qazaq handyǵynyń 550 jyldyq mereıtoıyna 700-ge taıaý shara ótkizip baryp, túpkilikti túsinippiz... Áıtkenmen, osynaý ulttyń bolashaq taǵdyryna, eldiń múddesine tikeleı qatysty aýqymdy da aýyr sharýany júzege asyrý, ıaǵnı, qaǵazǵa túsirý (jazý, basý) - qoıny-qonyshynda jerdiń kúlli qazyna-baılyǵy men qyrýar qarjylary bar bıliktiń emes; jalańaıaq, jalańbas zıaly qaýymnyń mindeti eken?!.
...Jasyl tehnologıa jasaýǵa ketken (EKSPO) 270 mıllıard AQSH dollary kólemindegi qyrǵyn qarjy «esh ókinbeıtin», eleńdeýge turmaıtyn bolmashy nárse kórindi?!.
«...Astanadaǵy baıaǵyda adamnyń boıynan asyp ósip turǵan qamysty batpaqtyń ornynda búgin Aqorda jarqyrap tur...» (Astana qalasynyń salynýy týraly)
«...Protonnyń zıandy... Ázirge biz zymyran jasaı almaımyz, Baıqońyrdy ustap turatyn kadrlardy daıyndaı almaımyz. Kezinde orystarmen kelisimge kelmegende, Baıqońyr jaı Qyzylordada bir qum bolyp qalar edi...»
BASQA TELEARNADA: Syr boıynyń perzenti, tanymal ziltemirshi Ilá ILINshetelde júrip, Groznyıda ótken Reseı Prezıdenti V.Pýtın atyndaǵy kýboktyń bas júldesin julyp-jeńip alyp (Kýbok júldesiniń mólsheri 5 myń AQSH dollary kóleminde. Qazaqstanda, mysaly, bul somany Maqtaral aýdanynyń ákimi atyndaǵy jarysta da alýǵa bolady. Q.Ǵ.), elimizdiń eski ánurany qoıylǵanda, julqynyp, bizdiń jańa, naqty ánuranymyzdyń qoıylýyn talap etip, oryndatyp jatty...
...BİZDE BÁRİ BURYNǴYDAI...
«...Biz Reseımen de, Túrkıamen de dospyz, eshkimniń jaǵyn jaqtarmaımyz...»
BASQA TELEARNADA: Lıtva memleketiniń Radıo jáne teledıdar komısıasy eldegi orystildi «RTR-Planeta» telearnasynda Reseı Dýmasynyń júıkesi tozǵan syrqat depýtaty Vladımır JIRINOVSKIIdiń túrikterdi «jabaıy halyq» atap: «Orystyń ólgen árbir soldatynyń ornyna júz túrikti óltirip, kómý kerek» - degen sandyraǵy úshin orystildi telearnaǵa sanksıa jarıalap, aqyly paket qalpyna aýystyrdy. Eger telearna taǵy da soǵys pen búlinshilkke shaqyratyn nasıhat aıtsa, Lıtvada telekanaldyń baǵdarlamalary múldem jabylatyn bolady...
...BİZDE BÁRİ BURYNǴYDAI...
«...Biz seksen mılllıondyq túrik emespiz. Júz elý mıllıon orys ta esespiz. At tóbelindeı elmiz. Eger biz 11-12 mıllıonǵa jetken qazaqty qyryq rýǵa bóletin bolsaq, byt-shyt bolamyz. Qazaq birikkende, Ańyraqaıda dushpandaryn tyqsyrdy. Ol jerde eshkim bir-biriniń rýyn suraǵan joq...»
BASQA TELEARNADA: Ýkraına Prezıdenti Petr POROSHENKO ulttyq qaýipsizdikke nuqsan keltiretin áreketter úshin kez-kelgen ýkraındyqtan jedel túrde azamattyqty tartyp alý qajettigin málimdedi...
...BİZDE BÁRİ BURYNǴYDAI...
...Tolyqtaı jekeshelendirýdiń júrmegendiginiń kesirinen jas memleketke qurylǵan Ulttyq holdıńter - kerekti qadamnyń biri «bolyp shyqty»?!. Qoǵam belsendisi Muhtar TAIJAN baýyrym: «Obıjatsá na kýrs - vse ravno, chto obıjatsá na zerkalo...» -dep qaldy...
«...Para alýshy bar, para berýshi bar. Biz para berýdi toqtatpasaq, olar da ala beredi. Barlyq jerde jemqorlyq bar. Jemqorlyq týraly Zańnyń jańa jobasyna salyq alýdyń da sharttaryn jazyp qoıdyq. Bireý syılyq bergisi kele me - ony satyp al...»
Suqbat aıaqtalýǵa taıady... «...Biz ólip-óship osy zamanǵa jettik... Bizdi syrttan alatyn jaý joq. Namysty qoldan bermeıtin halyqpyz ǵoı, birligimiz bolsa, bárine jetemiz. Qazaq óziniń tarıhynda dáp búgingideı baqytty ómir súrgen joq...»
...Kóshege shyǵyp, kóligimmen ketip bara jatyp valúta aıyrbastaý taqtasyna kózim tústi: keshe ǵana 1 AQSH dollary - 314 teńge edi, búgin 340 teńgege aspandap ketipti...
«... Qazaq dáp búgingideı baqytty ómir súrgen joq...»
«Baqyttyń» kermek dámi...
Qajymuqan ǴABDOLLA
