Tájikstan basshysy Emomalı Rahmonǵa «Ult kóshbasshysy» ataǵy resmı túrde, arnaıy zańmen berilip otyr, - dep habarlaıdy «Qamshy» portaly tájik aqparat quraldaryna silteme jasap.

«Ult kóshbasshysy» degen ataq emes, ol – qazirgi prezıdent Emomalı Rahmon prezıdenttik ýákildigin aıaqtaǵannan keıin alatyn laýazymy», – dep túsindiredi zań jobasyn ázirleýshiler.

Muny respýblıkanyń olıı keńesi, ıaǵnı madjlısi bekitip berdi. Endi májiliste qaralyp, qabyldanǵan «Beıbitshilik pen ulttyq birliktiń negiz qalaýshy – ult kóshbasshysy týraly» zań Emomalı Rahmonǵa eldiń prezıdenti ýákildigin toqtatqannan keıin de respýblıkanyń ishki jáne syrtqy saıasatyn qalyptastyrýdaǵy jetekshi rol atqaratyn eń yqpaldy adam bolyp qala berýine múmkindik deredi.

Jańa zańǵa daýys berer aldynda olıı madjlıs spıkeri Shýkýrdjon Zýhýrov qazirgi prezıdentti nasıhattap jatýdyń ózi artyq ekenin, onyń eldiń, onyń halqynyń ulttyq múddelerin qorǵaýshy jáne qudaıdyń ózi kóshbasshy, jetekshi etip jaratqan adam bolyp tabylatynyn aıtty. Sońynan atalǵan zań bir aýyzdan qabyldandy.

Emomalı Rahmon Tájikstan bıliginiń basynda 1990 jyldan beri keledi. Onyń tórtinshi prezıdenttik kezeńi 2013 jyly bastaldy. Rahmon bul joly jeti jylǵa saılanǵan. Biraq, konstıtýsıaǵa saı, ol aldaǵy saılaýlarǵa qatysa almaıdy.

Emomalı Rahmon kelesi saılaýǵa túspeı, ketip qalǵan kúnde de joǵaryda aıtylǵan artyqshylyqtarǵa ıe bolyp qala beredi. Ol endigi prezıdentten de joǵary turatyn adam bolady. «Ult kóshbasshysynyń» halyqqa úndeý arnaýǵa, olardyń aldaryna kelip sóılep turýǵa, mańyzdy memlekettik is-sharalarǵa qatysyp, solarda sóıleýge quqyǵy bar.

Zańǵa sáıkes, barlyq memlekettik qurylymdar úshin «ult kóshbasshysynyń» usynystaryn oryndar otyrýǵa tıis bolady. Lıder sondaı-aq olarmen kelise otyryp, «ishki mańyzdy saıası jaǵdaılar men sheteldegi problemalardy sheshýga qatysa alady».

Eldi basqarǵan barlyq jyldarynda kóshbasshyǵa eshkimniń tıe almaý qorǵanyshy saqtalyp qalady. Ony sol sıaqty ustaýǵa, qamaýǵa, tintýge bolmaıdy. Mundaı tártipter múlikteri men týǵan-týystary tarapyna da qarastyrylady.

Esterińizge salsaq, E. Rahmonnyń qazaqstandyq áriptesi Nursultan Nazarbaevqa 2010 jyldyń maýsym aıynda arnaıy zańmen «Elbasy – Ult kóshbasshysy» ataǵy berilgen bolatyn.