Qazaqstandyq bes qyz Baıhreınde bıshi bolyp jumys isteýdi armandap júrip, seksýaldy quldyqqa tap bolǵan. Olar Qazaqstannyń Saýd Arabıasyndaǵy elshiliginiń aralasýymen elge oraldy, - dep habarlaıdy «Qamshy» portaly Ekspress-K gazetine silteme jasap.

Bıshi Álımaǵa (keıipkerlerdiń aty ózgertilgen – red.) jáne onyń bı tobyndaǵy qurbylaryna ǵalamtorda eńbekaqysy joǵary jumys usynylǵan. Arab elindegi jumystyń talaptary men turmys ahýalyn táptishtep túsindirgen «vırtýaldy jumys berýshi» aqyry qyzdardy kóndirgen. Qyzdar kóp uzamaı vıza ashtyryp, jańa jumys berýshi alyp bergen bılettermen saparǵa attanady.

Bahreın astanasy Manama qalasynda olardy barynsha jyly qarsy alyp,  AlFirdous qonaq úıine jaıǵastyrady. Kelesi kúni qonaq úıdegi qyzdarǵa beıtanys erkek kelip, qujattaryn suraıdy. Qujat berýden bas tartqan qyzdarǵa ol, bizge senderdiń myń buralǵan bıleriń emes, klıentterimizdiń kóńilinen shyǵyp, «qyzmet» kórsetkenderiń kerek dep máseleni ashyq aıtady. Qyzdarǵa kúsh kórsetilip, qonaq úıden shyǵýlaryna tyıym salynady.

Oqıǵa qyzdardyń quldyqta júrip Saýd Arabıasyndaǵy Qazaqstan elshiligine habarlasýymen aıaqtalady. Elshilik qyzmetkerleiniń aralasýymen, polısıa qonaq túıdi tintip, bóten qyzdardy tutqynnan bosatady.

«Qazir arab elderinde qalyptasqan ahýal kúrdeli. Qazaqstandyq azamattardy lańkestik uıym qataryna tartýmen birge, seksýaldy qyzmet kórsetý úshin de aldap áketý oqıǵalaryn boldyrmaý úshin Syrtqy ister mınıstrligi aldyn alý jumystaryn júrgizýde» delingen vedomstvo ókilderi taratqan habarlamada.