Almaty qalalyq Densaýlyq saqtaý basqarmasynyń basshysy aýysty. Bul týraly basqarmanyń baspasóz qyzmetine silteme jasap QazAqparat habarlady.

Basshylyqqa buǵan deıin Memlekettik dárigerler bilimin jetildirý ınstıtýtynyń rektory qyzmetin atqaryp kelgen Ýálıhan Ahmetov taǵaıyndaldy.
Ýálıhan Ahmetov 1995 jyly S.Asfendıarov atyndaǵy medısınalyq ınstıtýtty támamdaǵan.

Eńbek jolyn Ortalyq klınıkalyq aýrýhanada bastaǵan. Ár jyldary ortalyqtar men ınstıtýttardyń dırektory qyzmetin atqaryp kelgen.

2008 jyldan bastap S.Asfendıarov atyndaǵy Qazaq medısınalyq ýnıversıettiniń prorektory, Almatydaǵy memlekettik dárigerlerdiń bilimin jetildirý ýnıversıtetinde rektor bolyp taǵaıyndalǵan. Almaty qalalyq máslıhatyna Medeý aýdanynan depýtat bolyp saılanǵan.
Buǵan deıin basqarmany Janat Kákimseıitqyzy Qasymjanova basqaryp kelgen. 2012 jyldyń jeltoqsanynan bastap basshylyq etip kelgen Janat Qasymjanovaǵa qala ákimi minsiz qyzmeti úshin alǵysyn jetkizdi.