"Sheteldegi ár qazaq – bizdiń jalǵyzymyz. Táýelsizdikten keıin jalpy sany 1 mıllıonǵa jetken qandastarymyz keregemizdi keń, terezemizdi teń qyldy. Dál qazir «Qazaq kóshi» qańtarylyp tur. Buǵan árıne bılik tarapynan jasalǵan myń san kedergiler tosqaýyl bolýda. Degenmen mundaıda el aǵalarynyń pikiri aıryqsha mańyzǵa ıe. Sondyqtan qazaq bıligi qushaq jaıyp turmasa da, alystaǵy baýyrlarǵa sizderdiń bir aýyz jyly sózderińiz kerek. Iaǵnı shekaradan shet júrgen qandastarymyzǵa ıgi tilekterińizdi arnap, hat jazsańyzdar. Sol arqyly olardyń Atajaurtqa oralýyna túrtki bolsańyzdar. Biz Sizderdiń hattaryńyzdy «Qamshy» portalyna jáne sheteldegi barlyq qazaq saıttaryna jarıalaımyz. Bul Alash azamattarynyń azamattyq paryzy dep bilemiz jáne tarıh aldyndaǵy mindetimiz."

Dál osylaı dep áleýmettik jelide otyratyn el aǵalaryna qolqa salǵanbyz. Qazirge táýelsiz saıasatker, aqyn Ámirjan Qosanov myrza ǵana ún qatty. Jat jurttaǵy aǵaıynǵa hat Qınaldyń, qazaq, qanshama, Shashyrap júrgen tumshaly el! Jat jurtta júrgen barshańa Atajurt jaqtan bir sálem!   Jınamaq bolyp barshany Alashym seni shaqyrdy! Atyraý seni ańsady, Alataý sen dep ah urdy!   Jeter dep habar jaǵymdy Men jaqyn etem qashyqty – Sary Arqa seni saǵyndy, Altaıym sen dep asyqty.   Úmittiń otyn óshirdi! Bıliktiń beti qap-qalyń – Toqtatyp Uly kóshimdi Qarabet bolyp jatqanyn!   Qazaǵym úshin kúresken Men biri edim myń uldyń. Kóshine eldiń ilesken Men de bir tory qulynmyn!   Baılyqqa batqan kól-kósir Bılikteı búgin meshkeı kim? Keshirseń ony, sen keshir, Men biraq ony keshpeımin!   Tarıhta bólek qaldy izim, Keńdigin kórdim, tarlyǵyn! Ár qazaq meniń - jalǵyzym, Bar qazaq meniń – barlyǵym!   Araılap atar tań qyzyl, Sadaqa – janym, Ar – pirim! Ár qazaq meniń - jalǵyzym, Bar qazaq meniń – barlyǵym!   Tabysar bizder taıaý kún, Ońymnan týar Aı, Kúnim. Ár qazaq meniń - aıaýlym, Bar qazaq meniń - baılyǵym!