سمس- شابۋىلعا قاراماستان بانك باسشىلىعى دارىگەرلەرگە جاڭا تۋعان نارەستەلەردىڭ ءومىرىن قۇتقارۋعا كومەگىن جالعاستىرۋدا.

ماڭعىستاۋ وبلىستىڭ پەريناتالدىق ورتالىعىنىڭ بالالار رەانيماسياسى ءبولىمى شالا تۋعان جانە دەنساۋلىعىندا ءتۇرلى كىناراتى بار نارەستەلەرگە كومەك كورسەتۋگە ارنالعان باعالى جابدىقتار الدى. ءدال وسىنداي جابدىقتار ورالدىڭ پەريناتالدىق ورتالىعىنا دا بەرىلدى.

اقتاۋ مەن ورال قالالارىنداعى پەريناتالدىق ورتالىقتاردى جابدىقتاۋ ءۇشىن بانك بولگەن قاراجات كولەمى 24 ميللون تەڭگەدەن استام سومانى قۇرايدى. اۋرۋحانالارعا قاجەتتى جابدىقتى «تىنىس ال، بالاقاي» جوباسى اياسىندا «ايالا» قورى جەتكىزدى.

- «تىنىس ال، بالاقاي» جوباسى جۇزەگە اسا باستاعان 5 جىلدا kaspi bank «ايالا» قورىنا وبلىستىق جانە قالالىق پەرزەنتحانالاردىڭ رەانيماسيا بولىمدەرىن زامانۋي جابدىقتارمەن قامتاماسىز ەتۋ ءۇشىن 100 ميلليون تەڭگە ءبولدى، - دەيدى «ايالا» قورىنىڭ ۆيسە-پرەزيدەنتى جانگەلدى سارسەنوۆ.-بۇل قاراجات پەن جابدىقتاردىڭ كومەگىمەن پەريناتالدىق ورتالىقتاردىڭ دارىگەرلەرى مىڭداعان نارەستەلەردىڭ ءومىرىن قۇتقاردى.

 -  «kaspi bank پەن جەكە ءوزىم بۇل جوبانى قولدايمىز جانە بۇل ءبىز ءۇشىن قۇرمەت دەپ سانايمىز، -دەيدى بانكتىڭ ديرەكتورلار كەڭەسىنىڭ ءتوراعاسى ۆياچەسلاۆ كيم. –ءاربىر ءسابيدىڭ ءومىرى باعالى. مەن دارىگەرلەرگە ءاربىر قۇتقارىلعان نارەستەنىڭ ءومىرى ءۇشىن العىس ايتقىم كەلەدى، ال ءبىز ولارعا بارىنشا جاعداي جاساۋعا تىرىسامىز.

  - ءبارىمىز ءۇشىن ماڭىزدى بۇل جوبا kaspi bank پەن  ۆياچەسلاۆ كيمنىڭ جەكە قولداۋىمەن  5 جىلدان بەرى جۇزەگە اسىپ كەلەدى، - دەيدى kaspi bank’ءتىڭ باسقارما ءتوراعاسى  ميحايل لومتادزە. – ەڭ باستىسى، ءبىز دارىگەرلەرمەن جانە وتباسىلارمەن بىرگە ءوزارا ارەكەتىمىزدىڭ ناتيجەسىن كورۋدەمىز. كەيبىر ورتالىقتاردا بالالاردىڭ ءومىر ءسۇرۋ كورسەتكىشى 5 ەسەگە وسكەن. ءبىز قازاقستاندا مىڭداعان وتباسىلاردىڭ كوپتەن كۇتكەن سابيلەرىن، نەمەرەلەرىن كورىپ، باقىتتى بولعانىنا قۋانىشتىمىز. بۇل جوبا باسقا كومپانيالار ءۇشىن ۇلگى بولادى جانە ءبىزدىڭ ەلىمىز بەن بالالارىمىزعا بىرگە قامقورلىق جاسايمىز دەپ سەنەمىن.