ۇلتتىق بانكىنىڭ قاۋلىسىنا سايكەس، 2014 جىلدىڭ ءبىرىنشى ساۋىرىنەن باستاپ قازاقستاندىق بانكتەر اي سايىنعى نەسيە تولەمى كليەنتتىڭ ورتاشا تابىسىنىڭ 50 پايىزىنان اسپاعان جاعدايدا عانا قارىز بەرەتىن بولادى دەپ حابارلايدى Tengrinews.kz ءتىلشىسى. "قارجى ۇيىمدارىنا بانكتىك جانە باسقا وپەراسيالاردىڭ تۇرلەرىن جۇرگىزۋگە شەكتەۋ ەنگىزۋ تۋرالى" قاۋلىعا بايلانىستى نەسيە الۋشىنىڭ جاۋاپكەرشىلىك جۇكتەمەسى كوەففيسيەنتىنىڭ ەڭ جوعارى دەڭگەيى 0،5ء-تى قۇرايدى. نەسيە الۋشىنىڭ اي سايىنعى ورتاشا تابىسى ونىڭ سوڭعى التى ايداعى جالاقىسى نەمەسە وزگە دە تابىستارى سوماسىنىڭ التىعا قاتىناسى رەتىندە ەسەپتەلەدى"، - دەلىنگەن قاۋلىدا. ەندى قاۋلى بويىنشا كليەنتتىڭ بورىشتىق جۇكتەمەسى ايلىق جالاقىسىنىڭ جارتىسىنان اساتىن جاعدايدا بانك وعان نەسيە بەرۋ تۋرالى وڭ شەشىم قابىلداي المايدى.