قازاقستاندىق سينوپتيكتەر حالىقارالىق ايەلدەر كۇنى اۋا رايى سۋىتادى دەپ بولجام جاسادى. بۇل تۋرالى BNews.kz تىلشىسىنە «قازگيدرومەت» رمك جەتەكشى ينجەنەر سينوپتيگى نۇرساۋلە قۋاندىقوۆا حابارلادى.

«8 ناۋرىزدا كۇن سۋىتادى. ناۋرىز مەرەكەسىندە اۋا رايىنىڭ قانداي بولاتىنىن ازىرشە ناقتى ايتا المايمىز. اۋا رايى سول كەزدەردە بەلگىلى بولادى»، - دەدى قۋاندىقوۆا. «ءبىز بولجاعانداي جاقىن كۇندەرى باتىس قازاقستاننىڭ سۋىق انتيسيكلونىنىڭ ىقپالىنان اۋا رايى جاۋىن-شاشىنسىز بولادى. تۇندە اۋا تەمپەراتۋراسى 18-23 گرادۋسقا دەيىن، كۇندىز 3-18 گرادۋسقا دەيىن تومەندەيدى. قالعان اۋماق سيكلون ىقپالىندا بولادى. وسىعان وراي قار جاۋادى. جامبىل، الماتى، وڭتۇستىك قازاقستان، شىعىس قازاقستان وبلىستارىنىڭ تاۋلى اۋداندارىنىڭ كەي جەرلەردە قار جاۋادى. بۇل اۋداندا جەل سەكۋندىنا 15،20 مەترگە دەيىن كۇشەيەدى، كەيبىر اۋدانداردا تۇمان ءتۇسىپ، كوكتايعاق بولادى. كەيىننەن سۋىق اۋا رايى قازاقستاننىڭ باسىم اۋماعىن قامتيدى. تۇراقسىز اۋا رايى ساقتالادى»، - دەدى ن.قۋاندىقوۆا. ونىڭ ايتۋىنشا، قازاقستاننىڭ سولتۇستىك بولىگىندە اۋا تەمپەراتۋراسى -18°س -23°س دەيىن، كۇندىز -5°س -10°س دەيىن، ال وڭتۇستىك بولىكتە تۇندە -5،-15°س دەيىن تومەندەيدى.