اتىراۋ قالاسىنىڭ 29 جاستاعى تۇرعىنى وبلىستىق سوت الدىنا كەلىپ، ءوزىن-وزى ورتەمەك بولعان، - دەپ حابارلايدى «قامشى» پورتالى «اق جايىق» باسىلىمىنا سىلتەمە جاساپ.
سۋيسيد جاساۋدى ويلاعان ازامات سوت عيماراتىنىڭ الدىنا ۇستىنە بەنزين قۇيىپ الىپ كەلگەن كورىنەدى. تۋىسىمەن تۇرعىن ءۇي جانە جەر ۋچاسكەسىنە بايلانىستى سوتتاسىپ جۇرگەن ول سوت شەشىمىنە نارازىلىق رەتىندە وزىنە وت قويعان. سوتتاعىلاردىڭ ايتۋىنشا، ول ۇكىم ءوز پايداسىنا شىققانىمەن، وتەماقى كولەمىنە كەلىسپەگەن كورىنەدى.
وسوت قىزمەتكەرلەرى ءورتتى دەر كەزىندە ءسوندىرىپ، وقيعا ورنىنا جەدەل-جارلەم شاقىرعان. ءقازىر ول وبلىستىق اۋرۋحانانىڭ №2 حيرۋرگيا بولىمشەسىنە جاتقىزىلعان. دارىگەرلەر «مويىن جانە بىلەزىك اۋماعىنىڭ 2،3-ساتىلى كۇيىگى» دەگەن دياگنوز قويعان.
پىكىر قالدىرۋ