الماتى قالاسىنىڭ اكىمى باۋىرجان بايبەك قالا قۇرىلىسى كەڭەسىندە ءال-فارابي داڭعىلىنان جوعارى ورنالاسقان عيماراتتار قانداي تالاپتارعا ساي بولۋى كەرەكتىگىن ايتىپ بەردى، - دەپ حابارلايدى «قامشى» پورتالى tengrinews.kz-كە سىلتەمە جاساپ.

باۋىرجان بايبەك مىرزا قۇرىلىس نىساندارىنا قاتىستى جاڭا نورمالاردى ۇسىنعان. ول ءال-فارابي داڭعىلىنان جوعارى ورنالاسقان 6،5 مىڭ گەكتار اۋماققا بيىكتىگى 12 مەتردەن، ەنى 15 مەتردەن اساتىن عيماراتتار سالۋعا تىيىم سالۋ كەرەكتىگىن ايتىپ وتىر. سونىمەن قوسا، ول عيماراتتار ۇزىندىعى مەريديان سىزىعى بويىنشا (وڭتۇستىكتەن سولتۇستىككە قاراي) تۇرعىزىلۋى كەرەك. بۇل قالاعا تاۋ سامالىنىڭ ەركىن ەنۋىن قامتاماسىز ەتۋ ءۇشىن قويىلىپ وتىرعان تالاپ ەكەن.

سونداي-اق، اكىم باس داڭعىلدان جوعارى ايماقتا Energy Green Home كومپانياسى سالىپ جاتقان تۇرعىن ءۇي كەشەنىنىڭ جوعارعى ەكى قاباتىن ءسۇرىپ تاستاۋدى تالاپ ەتتى. ب. بايبەكتىڭ ايتۋىنشا، بۇل بولاشاقتا باسقالارعا ساباق بولاتىن كورىنەدى.