8 ناۋرىز حالىقارالىق ايەلدەر كۇنىمەن قازاق قىزدارىن "قامشى" پورتالى قۇتتىقتايدى! الىپ انادان تۋادى دەگەندەي، حالقىمىزدىڭ تالاي مارعاسقالارىن، نامىستى ۇلدارىن دۇنيەگە كەلگەن اكەلگەن التىن قۇرساق انالار، ەر ازاماتتارىن سىيلاي بىلگەن اسىل، اق ادال جارلار، قاي كەزەڭدە دە ۇلتىنىڭ، ەلىنىڭ بۇگىنى مەن بولاشاعى ءۇشىن جان قيۋعا ءازىر بولعان باتىر ءارى قىلىقتى قىزدارىمىز امان بولسىن! كۇلاش اپامىزدىڭ "قازاق قىزى" اتتى قازاق قىزدارىنىڭ گيمنىنە اينالعان ولەڭدى سىزدەردىڭ قۇرمەتتەرىڭىز ءۇشىن ۇسىنامىز!
قازاق قىزى!
كورمەدىم
مەن وسىنداي قايراتكەردى،
باسقار دەسە، باسقاردى ايماقتى، ەلدى.
بەسىگىن دە تەربەتىپ، ءۇيىن دە ۇستاپ،
ايدا دەسە، كومباين ايداپ بەردى.
قورعا دەسە، وتاندى، باسىن تىكتى،
اتىن جازىپ كىتاپقا اسىل ءتۇپتى.
قازاق قىزى جاساعان ەرلىكتەرگە
قايران
قالدى باسى اساۋ عاسىر ءتىپتى!
ۇعا بىلگەن مەزگىلدىڭ كەزەڭىن كەڭ،
ولەڭ جازسا، ورنەكتى ءسوزى ورىلگەن.
كۇتە بىلگەن اقىلمەن ازاماتىن،
قيىندىققا سابىرمەن توزە بىلگەن.
بىلىنبەدى - بيىك پەن الىستى السا،
ۇندەمەدى بايگەدەن قالىس قالسا.
قالپاعى بار جىگىتكە شاڭ قاپتىرعان،
قازاق قىزى
ءبۇرقانىپ نامىستانسا!
ەل اناسى - باۋلىعان باتىل ۇلان،
ەرلىگىنە بەرمەگەن جاقىنىن ءمان.
باس جۇلدەنى الادى، جارىستارعا
قاتىستىرسا - كەركىنەن، اقىلىنان!
عىلىمى جوق مەڭگەرىپ، بوي ءۇۇرماعان.
ۇلىلىقپەن
قوزعاعان ويىن قوعام.
قازاق قىزى -
قازاقتىڭ ماقتانىشى،
ەرلىگىنە ەسكەرتكىش قويىلماعان!
مەرەكەدەن مەرەكەگە جەتە بەرەيىك!
ىزگى نيەتپەن، "قامشى " ۇلتتىق پورتالىنىڭ ۇجىمى!
