وسى اپتاداعى تاعايىنداۋلاردىڭ كوبى نەگىزىنەن وڭتۇستىك قازاقستان وبلىسىندا ورىن الدى. بۇل وڭىردە وبلىس اكىمىنىڭ وكىمىمەن قۇرىلعان 7 باسقارماعا جاڭا باسشىلار تاعايىندالدى،-دەپ حابارلايدى «قامشى» پورتالى قازاقپاراتقا سىلتەمە جاساپ.

وسى اپتادا ق ر ءىىم تجك ءتوراعاسى ۆ.بەككەر جەكە قۇرامعا ق ر ىشكى ىستەر ءمينيسترى، پوليسيا گەنەرال-پولكوۆنيگى قالمۇحامبەت قاسىموۆتىڭ قاراعاندى وبلىسى توتەنشە جاعدايلار دەپارتامەنتىنىڭ بۇرىنعى باسشىسى، ازاماتتىق قورعانىس پولكوۆنيگىتالعات نۇرماعامبەتوۆتى توتەنشە جاعدايلار كوميتەتى باسشىسىنىڭ ورىنباسارى ەتىپ تاعايىنداۋ تۋرالى بۇيرىعىن تانىستىردى.

ازاماتتىق قورعانىس پولكوۆنيگى تالعات نۇرماعامبەتوۆ 1965 جىلى 24 مامىردا دۇنيەگە كەلگەن. 1986 جىلى يۋ.ۆ. اندروپوۆ اتىنداعى اۋە قورعانىسى جونىندەگى لەنينگراد اسكەري-ساياسي ۋچيليششەسىن ءتامامداعان. 2004 جىلى پاۆلودار ۋنيۆەرسيتەتىن «پسيحولوگيا ماگيسترى» ماماندىعى بويىنشا بىتىرگەن. قاراعاندى وبلىسى توتەنشە جاعدايلار دەپارتامەنتىنىڭ باسشىسى قىزمەتىنە دەيىن ت. نۇرماعامبەتوۆ پاۆلودار وبلىسى بويىنشا تجد باسشىسىنىڭ ورىنباسارى بولعان. ول بۇعان دەيىن روتا كومانديرىنىڭ ورىنباسارى لاۋازىمىنان قاراعاندى وبلىسى تجد باسشىسى قىزمەتىنە دەيىنگى ەڭبەك جولىن ءجۇرىپ وتكەن. ت. نۇرماعامبەتوۆ قازاقستانمەن شەكارالاس رەسەيدىڭ وڭىرلەرىمەن تج جانە اق سالاسى بويىنشا وڭىرلىك كەزدەسۋلەردى ۇيىمداستىرۋدىڭ، سونداي-اق قۇتقارۋدىڭ قالالىق قىزمەتتەرى مەن سۋدا قۇتقارۋ قىزمەتىن ۇيىمداستىرۋدىڭ باستاماشىسى بولىپ تابىلادى. ايتا كەتەيىك، جاڭا باسشى «قسرو قك 70 جىل» مەدالىمەن، «اسكەري قىزمەتىندەگى ەرەكشەلىگى ءۇشىن» 2ء-شى دارەجەلى مەدالىمەن، «قازاقستان رەسپۋبليكاسى قارۋلى كۇشتەرىنە 10 جىل»، «ءمىنسىز قىزمەتى ءۇشىن» 2،3ء-شى دارەجەلى مەدالدارمەن جانە قازاقستان رەسپۋبليكاسى تجم قۇرمەت گراموتاسىمەن ماراپاتتالعان.

وڭتۇستىك قازاقستان وبلىسى اكىمىنىڭ وكىمىمەن 2016 جىلدىڭ 25 اقپانى كۇنى جاڭادان قۇرىلعان وبلىستىق باسقارمالاردىڭ باسشىلارى تاعايىندالدى. اتاپ ايتقاندا، وڭتۇستىك قازاقستان وبلىسى ءبىلىم باسقارماسىنىڭ باسشىسى لاۋازىمىنا قۋاندىق سالىبەك ۇلى قۇلاجانوۆ كەلدى. ول 1969 جىلى تۋعان، ءبىلىمى جوعارى، ماماندىعى ماتەماتيكا ءپانىنىڭ ءمۇعالىمى، زاڭگەر. ەڭبەك جولىن تولەبي اۋدانى اباي اۋىلى ورتا مەكتەبىنىڭ قاراپايىم ءمۇعالىمى بولىپ باستاعان. قازىعۇرت اۋدانى اكىمىنىڭ ورىنباسارى، وبلىس اكىمى اپپاراتىندا جاۋاپتى قىزمەتتەر اتقارعان، قازاقستان رەسپۋبليكاسى مەملەكەتتىك قىزمەت ىستەرى اگەنتتىگى وڭتۇستىك قازاقستان وبلىسى بويىنشا دەپارتامەنتى باستىعىنىڭ ورىنباسارى، تارتىپتىك كەڭەسى حاتشىلىعىنىڭ مەڭگەرۋشىسى بولعان. 2015 جىلعى قازاننان باستاپ وبلىستىق  ءبىلىم، جاستار ساياساتى جانە تىلدەردى دامىتۋ باسقارماسى باسشىسىنىڭ مىندەتىن اتقارۋشى، باسقارما باسشىسىنىڭ ورىنباسارى قىزمەتتەرىن اتقاردى.

وڭتۇستىك قازاقستان وبلىسى جاستار ساياساتى ماسەلەلەرى جونىندەگى باسقارماسىنىڭ باسشىسى لاۋازىمىنابولات سەرىك ۇلى ءجانابىل تاعايىندالدى.ب.ءجانابىل 1982 جىلى تۋعان، ءبىلىمى جوعارى، ماماندىعى قارجىگەر، زاڭگەر، مەملەكەتتىك جانە جەرگىلىكتى باسقارۋ باكالاۆرى. ەڭبەك جولىن قاراپايىم قىزمەتتەردەن باستاعان ب.ءجانابىل شىمكەنت قالاسى مادەنيەت، ىشكى ساياسات، جاستارمەن جۇمىس بولىمدەرىندە ەڭبەك ەتكەن. وبلىستىق ىشكى ساياسات باسقارماسىندا دا جاستار ماسەلەسىمەن اينالىسقان. قازاقستان رەسپۋبليكاسى ءبىلىم جانە عىلىم مينيسترلىگىنىڭ جاستار ساياساتى دەپارتامەنتىندە وڭىرلىك جاستار ساياساتىن ۇيلەستىرۋ باسقارماسىنىڭ باس ساراپشىسى، وڭتۇستىك قازاقستان وبلىسى جاستار ساياساتى ماسەلەلەرى باسقارماسى باسشىسىنىڭ ورىنباسارى بولعان.  2015 جىلعى قاڭتاردان باستاپ وبلىستىق ءبىلىم، جاستار ساياساتى جانە تىلدەردى دامىتۋ باسقارماسى باسشىسىنىڭ ورىنباسارى لاۋازىمىندا  جاستار ماسەلەسىمەن اينالىستى.

وڭتۇستىك قازاقستان وبلىسى ىشكى ساياسات باسقارماسىنىڭ باسشىسى لاۋازىمىنا الماسبەك كەڭەسبەك ۇلى مامىتبەكوۆ تاعايىندالدى. ا.مامىتبەكوۆ 1969 جىلى تۋعان، ءبىلىمى جوعارى، ماماندىعى گەوگرافيا جانە بيولوگيا پاندەرىنىڭ وقىتۋشىسى، ەكونوميكا جانە بيزنەس باكالاۆرى. ەڭبەك جولىن 1987 جىلى شىمكەنت وبلىسى تۇلكىباس اۋدانىنىڭ قۇس فابريكاسىندا باستاعان. شىمكەنت قالاسى اكىمدىگىنىڭ دەربەس بولىمدەرىندە ەڭبەك ەتكەن. وڭتۇستىك قازاقستان وبلىس اكىمشىلىگىنىڭ قوعامدىق كەلىسىم جانە اقپارات، مادەنيەت جانە جاستار ءىسى باسقارمالارىندا جوعارى لاۋازىمدى قىزمەتتەر اتقارعان. تۇلكىباس اۋدانى اكىمىنىڭ ورىنباسارى، وبلىستىق ىشكى ساياسات دەپارتامەنتى ديرەكتورىنىڭ ورىنباسارى، وبلىستىق ىشكى ساياسات باسقارماسىنىڭ باستىعى، وبلىس اكىمى اپپاراتى ۇيىمداستىرۋ-ينسپەكتورلىق بولىمىندەگى وبلىس اكىمىنىڭ باس ينسپەكتورى، «نۇر-وتان» پارتياسىنىڭ وڭتۇستىك قازاقستان وبلىسى بويىنشا فيليالى ءتوراعاسىنىڭ ورىنباسارى، ءبىرىنشى ورىنباسارى لاۋازىمدارىندا ەڭبەك ەتكەن.  2015 جىلعى قازاننان باستاپ وڭتۇستىك قازاقستان وبلىسى ىشكى ساياسات جانە ءدىن ىستەرى باسقارماسىنىڭ باسشىسى بولدى.

وڭتۇستىك قازاقستان وبلىسى ءدىن ىستەرى باسقارماسىنىڭ باسشىسى لاۋازىمىنا باتىربەك قاراتاي ۇلى جالمۇرزايەۆ تاعايىندالدى. ب.جالمۇرزايەۆ 1955 جىلى تۋعان، ءبىلىمى جوعارى. ەڭبەك جولىن 1973 جىلى اقتوبە ەت كومبيناتىندا باستاپ، سول وبلىستا پارتيا، كومسومول ورگاندارىندا ەڭبەك ەتكەن.  1990 جىلدان باستاپ وڭتۇستىك قازاقستان وبلىسى تۇلكىباس اۋدانىنىڭ پارتيا، كەڭەس جانە جەرگىلىكتى اتقارۋشى ورگاندارىندا جاۋاپتى قىزمەتتەر اتقارعان. وڭتۇستىك قازاقستان وبلىسى اكىمى اپپاراتى قوعامدىق-ساياسي ءبولىمىنىڭ مەڭگەرۋشىسى،  وبلىستىق ىشكى ساياسات باسقارماسىنىڭ باستىعى، وبلىستىق ءدىن ىستەرى جونىندەگى دەپارتامەنتىنىڭ ديرەكتورى لاۋازىمدارىن اتقارعان. بۇگىنگى كۇنگە دەيىن سايرام اۋداندىق ىشكى ساياسات ءبولىمىنىڭ باسشىسى بولىپ قىزمەت ەتتى.

وڭتۇستىك قازاقستان وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى لاۋازىمىنا مارعۇلان زۇلحارناي ۇلى مارايم تاعايىندالدى. م.مارايم 1973 جىلى تۋعان، ءبىلىمى جوعارى، ماماندىعى زاڭگەر، ەكونوميست، ەكونوميكا عىلىمدارىنىڭ كانديداتى. ەڭبەك جولىن وڭتۇستىك قازاقستان وبلىسى تۇركىستان اۋدانىنىڭ امانكەلدى كولحوزىندا باستاعان. شىمكەنت قالاسىندا ءبىرقاتار كاسىپكەرلىك قۇرىلىمداردا قىزمەت ەتكەن.  «اۋىل-شارۋاشىلىعىن قارجىلاي قولداۋ قورى» اق وڭتۇستىك قازاقستان فيليالىنىڭ ديرەكتورى، وڭتۇستىك قازاقستان وبلىسى شاردارا اۋدانىنىڭ اكىمى، قازاقستان رەسپۋبليكاسى اۋىل شارۋاشىلىعى مينيسترلىگى سۋ رەسۋرستارى كوميتەتى ءتوراعاسىنىڭ ورىنباسارى، قازاقستان رەسپۋبليكاسى وڭىرلىك دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ باسقارما باسشىسى، كوميتەت ءتوراعاسىنىڭ ورىنباسارى، «تۇرعىن ۇي-كوممۋنالدىق شارۋاشىلىعىن جانعىرتۋ مەن دامىتۋدىڭ قازاقستاندىق ورتالىعى» اكسيونەرلىك قوعامى باسقارماسى ءتوراعاسىنىڭ ورىنباسارى، «تۇرعىن ۇي-كوممۋنالدىق شارۋاشىلىعى» دامىتۋ قورىنىڭ باسقارۋشى ديرەكتورى، سۋ رەسۋرستارى كوميتەتى «قازسۋشار» رمك باس ديرەكتورىنىڭ ورىنباسارى - باس ينجەنەر بولىپ ەڭبەك ەتكەن. 2015 جىلعى جەلتوقساننان باستاپ وڭتۇستىك قازاقستان وبلىسى تۇرعىن ۇي-كوممۋنالدىق شارۋاشىلىق جانە جولاۋشىلار كولىگى باسقارماسىنىڭ باسشىسى قىزمەتىن اتقاردى.

وڭتۇستىك قازاقستان وبلىسى جەر قاتىناستارى باسقارماسىنىڭ باسشىسى لاۋازىمىنا سوزاقباي يسا ۇلى ءابدىقۇلوۆ تاعايىندالدى. س.ءابدىقۇلوۆ 1954 جىلى تۋعان، ءبىلىمى جوعارى، ماماندىعى عالىم-اگرونوم. ەڭبەك جولىن شىمكەنت وبلىسى لەنگىر اۋدانى «پوبەدا» كولحوزىنىڭ اعا اگرونومى بولىپ باستاعان. ۇزاق جىلدارى بويى سوزاق اۋدانىندا پارتيا جانە جەرگىلىكتى اتقارۋشى ورگانداردا جاۋاپتى قىزمەتتەر اتقارعان. وبلىستىق اۋىل شارۋاشىلىعى باسقارماسىنىڭ ءبولىم باستىعى بولعان. ون ءبىر جىلعا جۋىق سوزاق اۋدانىنىڭ اكىمى، وبلىستىق جەر قاتىناستارى باسقارماسىنىڭ باستىعى قىزمەتتەرىن اتقارعان. 2015 جىلدىڭ ناۋرىزىنان باستاپ وڭتۇستىك قازاقستان وبلىسى جەر قاتىناستارى جانە جەردىڭ پايدالانىلۋى مەن قورعالۋىن باقىلاۋ باسقارماسى باسشىسىنىڭ ورىنباسارى بولىپ قىزمەت ەتتى. 

وڭتۇستىك قازاقستان وبلىسى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى لاۋازىمىنا نۇرلان مارحابات ۇلى بايعۇت تاعايىندالدى. ن.بايعۇت 1974 جىلى تۋعان، ءبىلىمى جوعارى، ماماندىعى ينجەنەر-ەكونوميست. ەڭبەك جولىن شىمكەنت قالالىق سالىق كوميتەتىندە باستاعان، وبلىستىق كوممۋنالدى مەنشىكتى جانە اكتيۆتەردى باسقارۋ دەپارتامەنتىندە جاۋاپتى قىزمەتتەر اتقارعان، وبلىس اكىمىنىڭ باس ينسپەكتورى، تۇلكىباس، تولەبي اۋداندارى اكىمدەرىنىڭ ورىنباسارى، وبلىستىق قۇرىلىس باسقارماسىنىڭ باسشىسى بولعان. 2010 جىلدىڭ قاڭتار ايىنان باستاپ ۇيىمداستىرۋ-ينسپەكتورلىق بولىمىندەگى وبلىس اكىمىنىڭ باس ينسپەكتورى بولعان.

الماتى قالاسى اكىمى اپپاراتى جەتەكشىسىنىڭ ورىنباسارى ەرلان جايلاۋباي قالا اكىمىنىڭ ادەپ جونىندەگى ۋاكىلى بولىپ تاعايىندالدى. ە.جايلاۋباي ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىنىڭ (ەكونوميست) جانە مونتەررەي حالىقارالىق زەرتتەۋ ينستيتۋتىنىڭ (حالىقارالىق مەنەدجمەنتتە مەملەكەتتىك باسقارۋ ماگيسترى) تۇلەگى. 2005-2006 جىلدارى مەملەكەتتىك ەمەس سالادا جۇمىستار اتقارعان. 2009-2013 جىلدار ارالىعىندا قازاقستان رەسپۋبليكاسى پرەزيدەنتى اكىمشىلىگىندە الەۋمەتتىك-ەكونوميكالىق مونيتورينگ ءبولىمىنىڭ ساراپشىسى، ينسپەكتورى جانە كونسۋلتانتى قىزمەتىن اتقاردى. 2013 جىلى قازاستان رەسپۋبليكاسى پرەزيدەنتى اكىمشىلىگى سىرتقى ساياسات ورتالىعىنىڭ سەكتور مەڭگەرۋشىسى بولىپ، ال 2015 جىلى «بايتەرەك» ۇلتتىق باسقارۋ حولدينگى» اق ستراتەگيا جانە باسىمدى جوبالار دەپارتامەنتىنىڭ ديرەكتورى بولدى.

فۋتبولدان قازاقستان جاستار قۇراماسىنىڭ اعا جاتتىقتىرۋشىسى لاۋازىمىنا ۆاحيد ماسۋدوۆ كەلدى. ول ۇزاق جىلدار بويى ەلىمىزدىڭ «قايرات»، «تاراز»، «شاحتەر»، «ۆوستوك»، «اقتوبە»، «جەتىسۋ»، «اتىراۋ»، «ورداباسى» سىندى مىقتى فۋتبول كوماندالارىندا جاتتىقتىرۋشى بولعان. ءتىپتى، ءبىر ۋاقىتتارى ەلىمىزدىڭ ۇلتتىق قۇراماسىمەن دە جۇمىس ىستەگەن ەدى. 

سونىمەن قاتار وسى اپتادا اقمولا وبلىسىنىڭ ارداگەرلەرى كەڭەسىنىڭ جاڭا ءتوراعاسى سايلاندى. بۇل قوعامدىق قىزمەتكە عوسمان تولەعۇل كەلدى. ع.تولەعۇل 1950 جىلى 19 قاڭتاردا سولتۇستىك قازاقستان وبلىسى ايىرتاۋ اۋدانى ءالجان اۋىلىندا دۇنيەگە كەلگەن. جۋرناليست، جازۋشى-اۋدارماشى، قوعام جانە مادەنيەت قايراتكەرى. قازاقستان جۋرناليستەر وداعىنىڭ مۇشەسى. اۋىل شارۋاشىلىعى تەحنيكۋمىن (1975)، كازمۋ-دى (1983) بىتىرگەن. ەڭبەك جولىن 1968 جىلى تراكتور جۇرگىزۋشىسى، بايلانىس مونتەرى بولىپ باستاعان. م.ءماعاۋيننىڭ، د.دوسجاننىڭ، س.ءابدىراحمانوۆتىڭ، تاعى دا باسقا جازۋشىلاردىڭ كىتاپتارىن ورىس تىلىنە، كوپتەگەن الەم فيلوسوفتارى مەن ساياساتكەرلەرىنىڭ ەڭبەكتەرىن قازاق تىلىنە اۋدارعان. «قازاق ءتىلىنىڭ جاناشىرى» بەلگىسىمەن، مەدالدارمەن، ق ر پرەزيدەنتىنىڭ، مادەنيەت جانە اقپارات ينستيتۋتىنىڭ، ءتىل كوميتەتىنىڭ قۇرمەت گراموتالارى ءتارىزدى ءبىرقاتار مەملەكەتتىك ناگرادا جانە مەدالدارمەن ماراپاتتالعان. 2004-2014 جىلدار ارالىعىندا اقمولا وبلىستىق تىلدەردى دامىتۋ باسقارماسىنىڭ باسشىسى بولدى. قازىرگى كەزدە زەينەت دەمالىسىندا.