الماتىدا قىرعىزستاننان اكەلىنگەن كولىكتەرگە جالعان قۇجات جاساپ، ساۋدالاۋمەن اينالىسقان قىلمىستىق توپ اشكەرەلەندى، - دەپ حابارلايدى «قامشى» پورتالى الماتى قالالىق ءىىد باسپا ءسوز قىزمەتىنە سىلتەمە جاساپ.

«الماتى قالاسىنىڭ ەكى تۇرعىنى رەسمي تۇردە قىرعىز رەسپۋبليكاسىندا تىركەلگەن كولىكتەردى قازاقستانعا ارزان باعادا اكەلىپ، وعان جالعان قۇجات جاساپ نارىقتىق باعادا ساتۋمەن اينالىسىپ كەلگەن. ول ءۇشىن ورگتەحنيكانىڭ كومەگىمەن قاجەتتى تەحقۇجات، سەنىمحات ت.ب. قۇجاتتاردى 2 ساعات ىشىندە جاساپ وتىرعان. اراسىندا ۇرلانعان كولىكتەرگە دە قۇجات جاساعان. ونى ساتىپ العان ازامات كولىكتىڭ زاڭدى تىركەلگەنىنە ەش كۇمان كەلتىرمەگەن»، - دەدى مەدەۋ اۋداندىق ءىىب پوليسيا ءبولىمى باسشىسىنىڭ ورىنباسارى داۋلەت سامبەتوۆ. 

پوليسەيلەر كۇدىكتىلەردىڭ باسپاناسىنان قىلمىستىق باعىتتا پايدالانىلعان ورگتەحنيكانى تاپتى. 

ءقازىر ولار ۋاقىتشا قاماۋ يزولياتورىنا جىبەرىلدى. 

الاياقتاردىڭ بار-جوعى 20 كولىكتى وسىلاي ساتقانى انىقتالدى.