الەۋمەتتىك جەلىدە تاعى ءبىر قىز الىپ قاشۋ وقيعاسى تۇسىرىلگەن ۆيدەو جاريالاندى، - دەپ حابارلايدى «قامشى» پورتالى.
«فەيسبۋك» الەۋمەتتىك جەلىسىندە بەكبولات سماعۇلوۆ ەسىمدى قولدانۋشى جاريالاعان ۆيدەودا بەلگىسىز قىزدى ماشينامەن الىپ كەلىپ، ءتۇسىرىپ جاتقان ءسات تۇسىرىلگەن. قىزدىڭ قارسىلىق بىلدىرگەنىنە قاراماستان بىرنەشە جىگىت ونى كولىكتەن كۇشپەن ءتۇسىرىپ، ۇيگە الىپ كىرگەن. «كۇيەۋ جىگىتتىڭ» جەڭگەلەرى شاشۋ شاشىپ، شات-شادىمان بولىپ جۇرگەنى دە ۆيدەودا انىق كورىنەدى.
اتالعان وقيعا تۋرالى قۇقىققورعاۋ ورگاندارى تاراپىنان ەشقانداي رەسمي مالىمدەمە تاراعان جوق.
پىكىر قالدىرۋ