ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى ءوزىنىڭ كيىنۋ ستيلىنە قاتىستى تۇسىنىك بەردى، - دەپ حابارلايدى «قامشى» پورتالى Tengrinews.kz– كە سىلتەمە جاساپ.

الەۋمەتتىك جەلىدە مادەنيەت جانە سپورت ءمينيسترى ا. مۇحامەدي ۇلىنىڭ ەگيپەت يسلام رەسپۋبليكاسىنىڭ پرەزيدەنتى ابدەل فاتتاح ءاس-سيسيدى اۋەجايدان كۇتىپ الۋعا كيىپ بارعان كيىمى ءبىراز تالقىلاۋعا ۇشىراعان ەدى. جەلى قولدانۋشىلارىنىڭ ءبىر توبى ا. مۇحامەديۇىنىڭ بۇل «موداسىن» وعاشتىق دەپ سوكسە، ەندى ءبىرى ونىڭ ستيلدىك تۇرعىداعى ارتىقشىلىعى دەپ باعالادى. مينيستر وسى ماسەلەگە وراي ءوز ويىن ءبىلدىرىپتى.

«بۇل «دە گول» ءستيلى.. بىرىنشىدەن، مەن قازاقستاندىق تىگىن شەبەرحانالارىندا كيىم تىككىزەمىن، شەتەلدەن ساتىپ المايمىن. ءوز ەلىمنىڭ پاتريوتى رەتىندە وسىندا تىككىزەمىن»، - دەگەن ا. مۇحامەدي ۇلى بۇل ىسىنەن ەشقانداي وعاشتىق كورمەيتىنىن ايتقان.

«شەتەلدىك قوناقتاردى، مىسالى نيكيتا ميحالكوۆتى ەسكە تۇسىرۋگە بولادى. بۇل ستيلدە ەشقانداي اسىپ-تاسۋشىلىق جوق. قاراپايىم. نە Brioni. شىنىن ايتۋ كەرەك، بىزدە، شەنەۋنىكتەردە بەلگىلى-بىر شەكتەۋلەر بار. سوعان قاراماستان، بۇل – مادەنيەت سالاسى. مەن ءوزىم مۋزىكانتپىن، ۆيولونچەليستپىن، ونى نەگە كورسەتپەسكە؟ ءبىراق، مەن قانداي دا ءبىر ءستيلدىڭ فاناتى ەمەسپىن، ەشقانداي ءسان قۋمايمىن. ونداي مۇلدەم جوق»، - دەيدى ول.

مادەنيەت جانە سپورت ءمينيسترى كيىنۋ ستيلىندە ەلباسى ن. نازاربايەۆتى ۇلگى تۇتاتىنىن ايتۋدى دا ۇمىتپاعان.

«ءبىزدىڭ پرەزيدەنتىمىز دە ءساندى كيىنەدى. ونىڭ گالستۋكتارى ىلعي اشىق ءتۇستى ەكەنىن ايتۋعا بولادى. ول بەيرەسمي كەزدەسۋلەرگە ءارقاشان قىزىقتى كيىنىپ بارادى... مەن ءۇشىن ادام وزىنە قاتتى كوڭىل ءبولىپ، شەكتەن شىعىپ كەتپەۋى ماڭىزدى. ءبىراق، تىم سۇرقاي كيىنۋگە دە بولمايدى. كيىمىمنىڭ ءبارىن قازاقستاندا تىكتىرەمىن. ستيل ماسەلەسىندە كەلىنشەگىم كومەكتەسەدى. ول دا ونەر ادامى، ونەرتانۋ كانديداتى. ايتسا دا، ايەلدەر ءۇشىن ەڭ تاماشا اشەكەي – تالعاممەن كيىنەتىن كۇيەۋى دەگەن ءسوز بار»، - دەگەن ا. مۇحامەدي ۇلى ءوزىنىڭ كيىنۋ ءستيلى تۋرالى.

ا. مۇحامەدي ۇلى مىسىر باسشىسىن كۇتىپ الۋعا سۇر ءتۇستى ماتادان تىگىلگەن، قالتالارى مەن جاعاسى قارا ءتۇستى ماتامەن كومكەرىلگەن پالتومەن بارعانى عالامتور قولدانۋشىلارى اراسىندا ءبىرشاما ءسوز بولعان ەدى. ول ەلباسىنىڭ الماتى قالاسىنا سوڭعى ءىس-ساپارىنا دا وسى پالتومەن كەلگەن ەدى.