التى الاشتىڭ كوسەمى ءاليحان بوكەيحاننىڭ ءومىرى، سان قىرلى قىزمەتى مەن ەڭبەكتەرى تۋرالى الاشتانۋشى سۇلتان حان اققۇل ۇلىنىڭ قازاق، اعىلشىن جانە ورىس تىلدەرىندەگى زەرتتەۋ، ماقالالار جانە سۇحباتتار جيناعىنىڭ «ءسۇيىنشى» داناسى باسىلىپ شىقتى، - دەپ حابارلايدى «قامشى» پورتالى.

جيناقتىڭ باسىلۋىنا «ەر جانىبەك» حالىقارالىق قوعامدىق قورىنى قارجىلاي دەمەۋشىلىك جاساعان. كىتاپتىڭ جالپى تارالىمى – 1000 دانا.  

الاش تاقىرىبىنا بەي-جاي قارامايتىن قالىڭ وقىرمانعا ارنالعان كىتاپ 2 اپتانىڭ ىشىندە الماتى مەن استانا قالالارىنىڭ كىتاپ دۇكەندەرىندە ساتىلىمعا شىعادى. ساتىپ الۋشىلار اسىقسىن. جيناق 1 مىڭ دانامەن عانا جارىق كوردى.

«تاياۋدا قازاق تىلىندە ءاليحان بوكەيحان تۋرالى تۇڭعىش 2 تومدىق مونوگرافيا جارىق كورەدى. شىعارمادا تاريحي-مۇراعاتتىق قۇجاتتار مەن دەرەكوزدەر نەگىزىندە قازىرگى قازاق ەلىنىڭ ىرگەتاسىن قالاۋشى ءاليحاننىڭ دۇنيەگە كەلگەن ساتىنەن 1937 جىلى ماسكەۋدە وگپۋ-نكۆد-نىڭ تاس قاپاسىندا اتۋ جازاسىنا كەسىلگەن كۇنىنە دەيىنگى عۇمىرلىق جولىنىڭ بەيمالىم ساتتەرى، سان قىرلى قىزمەتىنىڭ جۇمباق بولىپ كەلگەن قىر-سىرى باياندالادى»، - دەيدى ءاليحانتانۋشى سۇلتان حان اققۇل ۇلى.